ފަލަސްތީނުގެ ސަރަހައްދުތަކުގައި އަލްޖަޒީރާ ޓީވީ ބެލުން މަނާކޮށް، އަލްޖަޒީރާގެ ހުރިހާ އޮޕަރޭޝަންތަކެއް ހުއްޓާލުމަށް މަހުމޫދު އައްބާސްގެ ސަރުކާރުން ނިންމައިފިއެވެ. ޒަޔަނިސްޓުނަށް މި ފަހަކަށް އައިސް ވާގިވެރިވަމުންދާ އައްބާސްގެ ސަރުކާރުން އަޅާފައިވާ މި ފިޔަވަޅަކީ އިޒްރޭލުން މީގެ ކުރިން އަޅާފައިވާ ފިޔަވަޅެކެވެ. އައްބާސްގެ ސަރުކާރާ ހަވާލާދީ ވަފާ ނޫސް އެޖެންސީން ބުނަނީ އަލްޖަޒީރާއިން އައްބާސްގެ ސަރުކާރު ބޮލާ ފޮށާ އެޅޭފަދަ ކޮންޓެންޓް ގެނަސްދެނީ ކަމަށެވެ.
މި ޒުވާނާ މަރާލީ އައްބާސްގެ ފުލުހުން
ހުޅަނގު އައްސޭރީގައި، ޖެނިންގައި އައްބާސްގެ ފުލުހުން ގެންދަނީ، ފަލަސްތީނުގެ ހަނގުރާމަވެރިންނާ ދެކޮޅަށް ފުލުހުން ނެރެގެން ބަޑިން އާންމުނަށް ހަމަލަ ދެމުންނެވެ.
އައްބާސަކީ މުއްދަތު ހަމަވެފައިވާ ރައީސެކެވެ. ހަމާސް ވެރިކަމަށް އައިސްފާނެ ކަމަށް ބިރުން އައްބާސް ވަނީ ފަލަސްޠީނުގެ އިންތިޚާބު ނުބާއްވަން ނިންމައި ދިގު ދަންމާފައެވެ.
