ދުނިޔޭގެ އެންމެ ދުވަސްވީ މީހާގެ ގޮތުގައި އުޅުނު ޖަޕާނުގެ މާމަ ޓޮމިކޯ އިޓޫކާ އުމުރުން 116 އަހަރުގައި ނިޔައުވެއްޖެ އެވެ. ގިނިސް ވޯލްޑް ރެކޯޑްތަކުން ދައްކާ ގޮތުގައި މިއީ އެންމެ ދޮށީ އިންސާނާއެވެ.
އުމުރުން ދުވަސްވީ މީހުންގެ ސިޔާސަތުތަކާ ހަވާލުވެ ހުންނެވި ޖަޕާނުގެ އޮފިޝަލް ޔޮޝިޓްސުގޫ ނާގާޓާ ވިދާޅުވީ އިޓޫކާ ނިޔައުވީ ޑިސެމްބަރު މަހުގެ 29 ވަނަ ދުވަހު ޖަޕާނުގެ މެދުތެރޭގެ ހިޔޯގޯ ޕްރިފެކްޗާގެ އާޝިޔާގެ ދޮށީ އުމުރު މީހުން ބަލަހައްޓާ ގެއެއްގައެވެ.
ދޮންކޭލާއި ޔޯގަޓްގެ ރަހަ ޖައްސާފައިވާ ޖަޕާނުގެ ބުއިން ކަމަށްވާ ކަލްޕިސްއަށް ލޯބިކުރާ އިޓޫކާ އުފަންވީ 23 މެއި 1908 ގައި ކަމަށް ޖެރޮންޓޮލޮޖީ ރިސާޗް ގްރޫޕް (ޖީއާރުޖީ) އިން ބުނެއެވެ. އޭނާ ވެގެން ދިޔައީ މިދިޔަ އަހަރު އުމުރުން 117 އަހަރުގެ މާރިއާ ބްރަނިއާސް ނިޔައުވުމުން ދެން ހުރި އެންމެ ދޮށީ އިންސާނާއަށެވެ.
