ހއ. ބާރަށުން އިތުރު ތިން މީހަކު ކޮވިޑް-19 އަށް ޕޮޒޮޓިވްވެއްޖެ އެވެ.
މިއާއެކު އެރަށުން މިހާރު ކޮވިޑަށް ޕޮޒިޓިވްވި މީހުންގެ ޖުމްލަ އަދަދު ވަނީ 25 އަށް އަރާފައެވެ.
ބާރަށު ސިއްހީ މަރުކަޒުން ބުނީ އެރަށުން ފުރަތަމަ ޕޮޒިޓިވްވި 9 މީހުންނާއި ގުޅިގެން، އެ މީހުންނާއި ޑައިރެކްޓް ކޮންޓެކްޓްވި މީހުން ޕޮޒިޓިވްވަމުންދާ ކަމަށެވެ.
އެރަށުން ފުރަތަމަ ޕޮޒިޓިވްވި ނުވަ މީހުންނަކީ އެއް ގެއެއްގައި ކަރަންޓީންގައި ތިބި ބައެެވެ.
ބާރަަށުން މިދިޔަ އަންގާރަ ދުވަހު ވަނީ އިތުރު ހަތަރު މީހަކު ޕޮޒިޓިވްވެފައެވެ. އެރަށުގައި ޕޮޒިޓިވްވި މީހުންނާ ގާތުން ބައްދަލުވި މީހުން ދެނެގަތުމުގެ މަސައްކަތްތައް މިހާރު އަންނަނީ ކުރަމުންނެވެ.
