އެމެރިކާގެ މަހާ ސާދާގަރު، އެލޯން މަސްކު މޮޔަވެ ބުއްދި ފިލައި ދަނީ ކަމަށް އޭނާއާ ބެހޭ ގޮތުން ފޮތެއް ލިޔެފައިވާ މުސައްނިފު، ބަޔޮގްރަފަރު ސެތު އެބްރަމްސަން ބުނެއެވެ. އޭގެ އިތުރުން މަސްކުގެ ދިއުޅި އެއް ނުވާ އަދި ހަރުކަށި ކަމަށް ހިތްވަރުދޭ ވާހަކަތަކާއި ގައުމުތަކުގެ ސިޔާސަތާ ބެހިގެން ދައްކާ ވާހަކަތަކާ ހެދި ޖަރުމަންވިލާތާއި ފްރާންސުން ދަނީ އޭނާއަށް ފާރަވެރި ވަމުންނެވެ.
އިނގިރޭސިވިލާތުގެ ދާޚިލީ ވުޒާރާއާއި އެ ވުޒާރާގެ ދަށުގައި އޮންނަ ހައްދުފަހަނައަޅައި ދިއުމާއި ހަރުކަށި ކަމާ ބެހޭ ގޮތުން ހުރި ނުރައްކާތައް ވަޒަން ކުރާ އިދާރާއިންވެސް ދަނީ މަސްކުގެ ޓުއީޓުތައް ދިޜާސާ ކޮށް އޭނާއަށް ފާރަވެރި ވަމުންނެވެ.
އެ އިދާރާއަކީ އިނގިރޭސިވިލާތަށާއި އެގައުމުގެ މީހުންގެ ތަނަވަސްކަމާއި ދިރިއުޅުމާއި މިނިވަންކަމަށް ނުރައްކާ ވާފަދަ ކަންކަން ބަލައި ދުރާލައި ފިޔަވަޅު އަޅާ އިދާރާއެވެ.
އެލޮން މަސްކްގެ ބަޔޮގްރަފަރު ސެތު އެބްރަމްސަން ގަބޫލުކުރާ ގޮތުގައި ޓެސްލާ އާއި އެކްސް، އަދި ސްޕޭސްއެކްސް ހިންގާ މަހާސާދާގަރު އަދި ޑޮނަލްޑް ޓްރަމްޕްގެ އިންތިގާލީ އޮފީސް ޓީމުގައި އުޅޭ މަސްކު ދަނީ ބުއްދި ފިލަމުން "މޮޔަވަމުން" ނެވެ.
މަސްކްގެ ބަޔޮގްރަފަރު ވަނީ ބިލިއަނަރުގެ ސިއްޙީ ހާލަތާ މެދު ކަންބޮޑުވާ ކަމަށް ބުނެފައވެ. އަދި މަސްކަށް ފިޔަވަޅު ނާޅައިފިނަމަ، "އަހަރެމެން އެންމެންނަށް ނުރައްކާވެދާނެ" ކަމަށްވެސް އެބްރެހަމްސަން އިންޒާރުދެ އެވެ.
އެކްސްގެ ވެރިމީހާ އިނގިރޭސިވިލާތުގެ ސިޔާސަތާ ބެހި، ސަރުކާރަށް ފާޑު ކިޔަމުންނެވެ.
