ޓެންޒޭނިއާއަށް ޑްރަގް އުފުލަމުން ދިޔަ ޕާކިސްތާންގެ ބޯޓެއް ޓެންޒޭނިއާއިން ހިފަހައްޓައިފިއެވެ. ޕާކިސްތާނުގެ ދިދަ ޖަހާފައިވާ ބީ.އެފް.ޑީ 16548 ބޯޓުގައި އުފުލި ގނަ އަދަދެއްގެ މެތަމްފެޓަމިން އަތުލައިގެންފައިވާ ކަމަށް ޓެންޒޭނިއާގެ ފުލުހުން ބުނެއެވެ.
ތަހުގީގުތަކުން ދައްކާ ގޮތުގައި ފާއިތުވި 28 ދުވަސް ތެރޭގައި އެބޯޓު ވަނީ ޕާކިސްތާނުގެ ބަނދަރުތަކުން އީރާން މެދުވެރިކޮށް ގަވާއިދުން ދަތުރުތައް ކޮށްފައެވެ. އަދި އިންޑިއާ ކަނޑުގެ ހުޅަނގު އައްސޭރީގެ އެކި ހިސާބަށް މުދާ އުފުލައި މަސްތުވާތަކެތި ސަޕްލައި ކޮށްދީފައި ކަމަށެވެ.
މި ބޯޓުން ޕާކިސްތާނުގެ 8 މީހަކު އަތުލައިގެންފައި ވެއެވެ. ކޯޓުން ވަނީ މިމީހުން ތަހުގީގަށް ބަންދު ކުރުމަށް ވެސް އަމުރު ކޮށްފައެވެ.
ޓެންޒޭނިއާއިން މިދިޔަ އަހަރުވެސް 2 މިލިއަން ކިލޯއަށް ވުރެން ގިނަ މަސްތުވާތަކެތި އަތުލައިގެންފައި ވެއެވެ.
