އިންޑިއާގެ މޮބައިލް ސަބްސްކްރައިބަރުންގެ އަދަދު 1.2 ބިލިއަންއަށް އަރާފައި ވެއެވެ. އިންޑިއާގެ ޓެލެކޮމް ދާއިރާއިން މިހާރު މިސްރާބު ޖަހަމުން ދަނީ އާޓިފިޝަލް އިންޓެލިޖެންސް މަމބްއާއި 6ޖީގެ އާ ދިމާއަށެވެ.
ނިމިދިޔަ 2024 ވަނަ އަހަރުގެ އޮކްޓޯބަރު މަހުގެ ނިޔަލަށް އެވްރެޖްކޮށް އިންޑިއާގައި މަހަކު ވައިލެސް ޑޭޓާ ބޭނުންކުރާ މިންވަރު ކޮންމެ ޔޫޒަރަކަށް 21.30 ޖީބީއަށް އަރާފައިވެއެވެ.
ސެލިއުލާ އޮޕަރޭޓަރސް އެސޯސިއޭޝަން އޮފް އިންޑިއާ އިން ބުނާ ގޮތުގައި 4،60،592 އަށް ވުރެ ގިނަ 5ޖީ ސައިޓް ޑިޕްލޮއި ކޮށްފައި ވެއެވެ. އަދި 5ޖީ ބޭނުންކުރާ މީހުންގެ އަދަދު 125 މިލިއަނަށް ވުރެ މައްޗަށް ގޮސްފައިވެއެވެ. އަދި 2026 ވަނަ އަހަރު އެ އަދަދު، 350 މިލިއަނަށް އިތުރުވާނެ ކަމަށް ލަފާކުރެވެ އެވެ.
5ޖީ ވަނީ އަހަރެއްހާ ދުވަހުގެ ތެރޭގައި ގާތްގަނޑަކަށް 3 މިލިއަން ކަނެކްޝަން އަށް ފޯރާފައެވެ. އިންޑިއާގެ ޖީޑީޕީއަށް ބޮޑު ޙިއްޞާއެއް ފޯރުކޮށްދޭ މި ދާއިރާއިން 4 މިލިއަނަށްވުރެ ގިނަ މީހުންނަށް ވަޒީފާ ހޯދައި ދެއެވެ.
އިންޑިއާގެ ޓީއެމްޓީ (ޓެކްނޮލޮޖީ، މީޑިއާ، އެންޑް ޓެލެކޮމިއުނިކޭޝަންސް) ކުންފުނިތަކުގެ 55 ޕަސެންޓަށް ވުރެ ގިނަ ކުންފުނިތަކުން މަބް ފުރިހަމައަށް އިންޓަގްރޭޓްކޮށްފައި ވެއެވެ. އަދި އިތުރު 37 ޕަސެންޓް އުޅެނީ ސްކޭލިން ފޭސްގައި ކަމަށް ކޭޕީއެމްޖީ އިންޑިއާއިން ބުނެއެވެ.
އިންޑިއާ ސަރުކާރުން އިއުލާން ކޮށްފައިވާ ބާރަތު 6ޖީ ވިޝަން އިނިޝިއޭޓިވް މެދުވެރިކޮށް ސަރުކާރުގެ އަމާޒަކީ ދުނިޔޭގެ 6ޖީ ޕޭޓެންޓްގެ 10 ޕަސެންޓް އިންޑިއާގެ ކުންފުނިތަކަށް ހޯދުމެވެ.
