ފޮޓޯގައި މި ފެންނަ މީހާއަކީ އުމުރުން 69 އަހަރުގެ މިސްޓަރ ޖޯން އިންގްރަމް އެވެ. އޭނާއަކީ މަކަރާއި ހީލަތާއި އޮޅުވާލުމުގައި އަރާ ހުރި މީހެއްކަމަށް ޝަރީއަތުގައި ޕްރޮސެކިއުޓަރު އޭނާ ސިފަކުރަމުން ބުންޏެވެ.
މިމީހާ ކޮށްފައިވާ ކުށަށް އޭނާއަށް 7 އަހަރުގެ ޖަލު ހުކުމެއް އަންނަން ޖެހެއެވެ. ނަމަވެސް ޓްރަމްޕް ޖަލުން ސަލާމަތްވި ފަދައިން މިމީހާވެސް ވަނީ ޖަލުން ސަލާމަތް ވެފައެވެ. އޭނާގެ އަދަބެއްގެ ގޮތުގައި 450 ޕައުންޑުގެ ޖުރިމާނާއަކާއެކު ޖަމާއަތަށް 2 އަހަރު ވަންދެން ޚިދުމަތް ކުރުމަށް ކޯޓުން އޭނާއަށް ޙުކުމް ކޮށްފައި ވެއެވެ.
މިސްޓަރ ޖޯން އިންގްރަމްގެ ކުށަކީ ކޮބައި ހެއްޔެވެ؟
އޭނާގެ ކުށަކީ މީހަކާ އިނދެގެން ހުރެފައި އެމީހާއަށް އެހެން ކައިވެންޏަކުން ލިބިފައިވާ 16 އަހަރުގެ ދަރިފުޅާ ކައިވެނި ކުރުމެވެ. ދެމައިންވެސް ގެންގުޅުނީ އެއްފަހަރާއެވެ. ނަން ބަދަލުކޮށްގެން އޭނާ 16 އަހަރުގެ ދޮންދަރިފުޅާ 1988ގައި ކައިވެނިކުރި އިރު އެކައިވެނި ކުރި ރަސްމިއްޔާތަށް އެކުއްޖާގެ މަންމަވެސް ހެއްކަކަށް ގެންދިޔައެވެ.
މަންމައާއި ދަރިފުޅަށް އެތައް ކުދިންނެއް އޭނާއަށް ލިބިފައި ވެއެވެ.
ޕްރޮސެކިއުޓަރު ބުނީ އިންގްރަމް މަކަރު ހެދީ ދެ ދެމައިންނަކަށެއް ނޫނެވެ. ނަމަވެސް ކާއިވެނީގެ މުޤައްދަސް ގުޅުމަށެވެ!
އިންގްރަމްގެ މިޖަރީމާ ބޭޒާރުވީ 2020ގައެވެ.
