އެމެރިކާގެ ޑޮނަލްޑް ޓްރަމްޕް އިޒްރޭލުގެ ނަތަންޔާހޫގެ ބަހަލާސް ހެއްލިގެން އީރާނަށް ހަމަލައަށް ދީފާނެތީ އީރާނުން ދުރާލައި ތައްޔާރު ވެއްޖެއެވެ.
އީރާންގެ މީޑިއާއިން ބުނިގޮތުގައި ސިފައިން ވަނީ އައު އެއް ހާސް ޑްރޯންގެ ޝިޕްމެންޓަކާ ހަވާލު ވެފައެވެ.
މި ޑްރޯންތައް ވަނީ އީރާނުގެ އެކި ތަންތަނަށް މިހާރު ޑެލިވަރީކޮށްފައެވެ.
އައު ޑްރޯންތަކަކީ ރޭޑާއަށް ފިލައިގެން އުޅޭ ވައްތަރުގެ ސްޓެލްތު އަދި މަތީ ގިނަ ވަގުތަށް ހޯރައެޅުމުގެ ގާބިލުކަން ލިބިފައިވާ ޑްރޯންތަކެއް ކަމަށް ރިޕޯޓުކޮށްފައި ވެއެވެ.
މި ޑްރޯންތަކަށް2،000 ކިލޯމީޓަރަށް ވުރެ ދުރު ރާސްތާއަށް ދަތުރުކޮށް އޮޓޮނޮމިކް ފްލައިޓް މޯޑްގައި މަސައްކަތް ކުރެވޭނެއެވެ. އަދި މިއީ ރިކޮނައިސަންސް އާއި ބޯޑަރު މޮނިޓަރިންގގެ މަސައްކަތުގައި ބޭނުން ކުރުމުގެ އިތުރުން ދުރު އަމާޒުތަކަށް ހަތިޔާރާއެކު ފޯރާ ވަރުގެ ޑްރޯންތަކެކެވެ.
