އެކްޓަރު ސާހިލް ޚާން އަންހެނުން ދެފައް ކުރުމަށްފަހު އަލުން އިނދެފިއެވެ. އެއާއެކު އިންސަގްރާމްގައި އޭނާ އިއުލާން ކޮށްފައި ވަނީ އޭނާގެ އަންހެނުން އިސްލާމް ވެއްޖެ ކަމަށެވެ.
ސާހިލް ޚާނަކީ ފާއިތުވި އަހަރުތަކުގައި ބޮލީވުޑުން ފެނިފައިވާ ތަރިއެއް ނޫނެވެ. އޭނާ މަޝްހޫރުވީ، 2000 ގެ އަހަރުތަކުގެ ކުރީކޮޅު ސްޓައިލް އަދި އެކްސްކިއުޒް މީ ފަދަ ހިޓް ފިލްމުތަކުންނެވެ.
ފިލްމުތަކުގައި ކާމިޔާބު ދައުރެއް އަދާކުރުމަށްފަހު ސާހިލް ވަނީ އިންޑިއާއިން ބޭރަށް ގޮސް ވިޔަފާރީގެ ދާއިރާއަށް މިސްރާބު ޖަހާފައެވެ.
މިލީނާ އެލެގްޒެންޑްރާ އާ 21 އަހަރު ވަންދެން ގުޅިގެން އުޅުމަށްފަހު މި ދެމީހުން ދެވަނަ ފަހަރަށް ކައިވެނި ކުރީއެވެ. އަދި ދެވަނަފަހަރަށް ކައިވެނި ކުރިއިރު މިލީނާ އެލެގްޒެންޑްރާ އިސްލާމްވީ ކަމަށް ސާހިލު ޚާން އިއުލާން ކުރީއެވެ.
"ވަރަށް ފަޚުރުވެރިވަން އަހަރެންގެ އަންހެނުން މިލީނާ އެލެގްޒެންޑްރާ އިސްލާމްދީން ގަބޫލުކުރީ ތީވެ. އަލްހަމްދުލިﷲ މި ހެޔޮ ބަދަލަށް! الله އަހަރެމެންނަށްޢަފޫ ކުރައްވައި އަހަރެމެންގެ ދުޢާ ޤަބޫލުކުރައްވާށި!" އޭނާ ލިޔުނެވެ.
ސާހިލް ޚާން އެންމެ ފުރަތަމަ ކައިވެނި ކުރީ 2003 ވަނަ އަހަރު ނިގާރު ޚާން އާއެވެ. ނަމަވެސް އޭނާ ފިލްމަށް ސަމާލުކަން ދޭތީވެ ކައިވެނި 2005ގައި ރޫޅުނީއެވެ.
ސާހިލްގެ ކެރިއަރު ފެށުނީ ސްޓައިލް އާއި އޭގެ ސީކުއެލް އެކްސްކިއުޒް މީ އިންނެވެ. އޭގެ ކުރިން ސްޓީރިއޯ ނޭޝަންގެ "ނާޗޭނންގޭ ސާރީ ރާތު" ގެ މިއުޒިކް ވީޑިއޯއަކުންވެސް އޭނާ މަޝްހުރުކަން ހޯދިއެވެ.
