މި އެއްބަސްވުން ބަލައިފިނަމަ ހަނގުރާމައިގެ މަގްސަދާ މެދު ޔަހޫދުން ސުއާލު ކުރާނެ!

ހަނގުރާމަ ހުއްޓާލުމުގެ އެއްބސްވުމުގައި ބުނެފައި ވަނީ ޣައްޒާގެ ހުރިހާ ސަރަހައްދަކުން އެއްކޮށް، އިސްރާއީލުން ބޯޑަރާ ދިމާއަށް ފައިބަން ޖެހޭނެ ކަމަށެވެ.

ރަފަޙްގެ ބޯޑަރު ހުޅުވަންޖެހޭނެ އެވެ. އަދި އެތަނުން ފައިބަންވެސް ޖެހޭނެއެވެ. ނެޓްޒާރިމް ކޯރިޑޯ އިން ފައިބައިގެން ދާން ޖެހޭނެއެވެ. އަދި ފިލަޑެލްފިއާ (ސަލާޙުއްދީން) ކޯރިޑޯއިން ތާވަލާ އެއްގޮތަށް ފައިބަން ޖެހޭނެއެވެ.

އެއްބަސްވުމުގެ ފުރަތަމަ ފިޔަވަހީގައި ހޒަޔަނިސްޓު ޖަލުތަކުގައި ތިބި "ޝާލިތު ޑީލް"އަށް ފެތޭ ހުރިހާ ގައިދީން ދޫކޮށްލަން ވާނެ އެވެ.

އަދި އިސްރާއީލުގެ ކޮންމެ މަދަނީ ގައިދީއަކަށް ފަލަސްތީނުގެ 30 ގައިދީން ދޫކޮށްލަން ޖެހޭނެއެވެ. އިޒްރޭލުގެ ކޮންމެ އަންހެން ސިފައިންގެ މީހަކަށް ފަސްޠީނުގެ 50 ގައިދީން ދޫކޮށްލަން ޖެހޭނެއެވެ.

އަދި އިސްރާއީލުން ފުރަތަމަ ފިޔަވަހީގައި ގާތްގަނޑަކަށް 2،000 ގައިދީން ދޫކޮށްލަން ޖެހޭނެއެވެ. އޭގެ ތެރޭގައި އެންމެ ބޮޑެތި ދިގު މުއްދަތުގެ އަދަބުތައް ކަނޑައަޅާފައިވާ 250 ގައިދީން ހިމެނޭނެއެވެ.

އަދި އުމުރަށް ޖަލަށް ލައި، ދިގު ހުކުމްތަކެއް އިއްވާފައިވާ އެތައް ސަތޭކަ ގައިދީންނެއް ދޫކޮށްލަން ޖެހޭނެއެވެ.

ޒަޔަނިސްޓުންގެ ޖަލުތަކުގައި ތިބި އުމުރުން 19 އަހަރުން ދަށުގެ ހުރިހާ ގައިދީންނާއި އަންހެނުންނާއި އަދި ކުޑަކުދިން ދޫކޮށް ޒަޔަނިސްޓު ޖަލުތައް ހުސްކުރަން ޖެހޭނެއެވެ.

އެއްބަސްވުމުގައި ކަށަވަރުކޮށްދީފައިވަނީ ގެދޮރު ގެއްލިފައިވާ ޣައްޒާގެ ހުރިހާ ރައްޔިތުންނަށް އެމީހުން ދިރިއުޅޭ ސަރަހައްދުތަކަށް އެނބުރި ދާން ހުއްދަ ދޭން ޖެހޭނެ ކަމަށެވެ. އެތާނގައި މީޙުންނަށް ހެލިފެލިވެ އުޅުމުގެ މިނިވަންކަން ދީފައި އޮންނަން ޖެހޭނެ ކަމަށެވެ.

ޣައްޒާގެ ވައިގެ ސަރަހައްދުން އިސްރާއީލުގެ މަތިންދާބޯޓުތައް 10 ގަޑި އިރާއި 8 ގަޑިއިރަށް އުދުއްސައިގެން ނުވާނެ ކަމަށެވެ.

އިންސާނީ ހާލަތުގެ ދާއިރާގައި އެއްބަސްވެފައި ވަނީ، ހުރިހާ ހަސްފަތާލެއް ބޭނުން ކުރެވޭ ގޮތް ހަދައި ފީލްޑް ހޮސްޕިޓަލްތައް ބިނާކޮށް، މެޑިކަލް އަދި ސާޖިކަލް ޓީމުތައް ޣައްޒާއަށް ވައްދައި ބޭރަށް ފަރުވާއަށް ދާން ބޭނުންވާ މީހުންނަށް އެފުރސަތު ދޭން ޖެހޭނެ ކަމަށެވެ.

ހަނގުރާމަ ހުއްޓާލުމުގެ އެއްބަސްވުމަށް ގަތަރު ސަރުކާރުން ސްޕޮންސަރ ކުރާ "އިންސާނީ އެހީ ދިނުމުގެ ޕްރޮޓޮކޯލް" ގެ ދަށުން ދުވާލަކު 600 އެހީގެ ލޮރިތައް ވައްދަން ވާނެއެވެ. ރައްޔިތުންގެ ހިޔާވަހިކަމަށް 200،000 ޓެންޓާއި 60،000 ބޯހިޔާވަހި ކަމުގެ ގާފިލާ ވައްދަން ވާނެއެވެ.

އެއްބަސްވުމުގެ ފުރަތަމަ މަރުހަލާ ދެމިގެން ދާނީ 6 ހަފްތާއަށެވެ.

ރައްޔިތުންނަށް ޣައްޒާގެ އަވަށްތަކަށް ވަދެވޭނީ، ހަތްވަނަ ދުވަސް ފަހުންނެވެ. އަދި އެއްވެސް ފާސްކުރުމެއް ނެތި ދެކުނާއި އުތުރުގައި މީހުންނަށް ހަރަކާތްތެރި ވެވޭނެއެވެ.