އެމެރިކާގެ ހައުސް އޮފް ރެޕްރެޒެންޓޭޓިވްސްއަށް ހޮވާފައިވާ 4 ވަނަ މުސްލިމު މެމްބަރަކީ، ކެލިފޯނިޔާއިން ހޮވާފައިވާ ލަޠީފާ ސައިމަން އެވެ.
ހައުސް އޮފް ރެޕްރެޒެންޓޭޓިވްސްގެ 119 ވަނަ ކޮންގްރެސްގެ ދައުރުގައި ލަޠީފާއާއެކު ދެން ތިއްބަވާ 3 މުސްލިމު މެމްބަރުންނަކީ، މިޝިގަންގެ މަންދޫބުން ރަޝީދާ ޠުލައިބާއި، މިނިސޯޓާގެ އިލްހާން އުމަރާއި އިންޑިއާނާގެ އޭންދްރޭ ކާސަން އެވެ.
"ލަތީފާ ސައިމަން ހައުސް އޮފް ރެޕްރެޒެންޓެޓިވްސްއަށް އިންތިޚާބުވުމަކީ އެމެރިކާގެ މުސްލިމުން ކުރިއެރުންތަކެއް ހޯދަމުންދާކަން އަންގައިދޭ ކަމެއް. އަދި ކޮންގްރެސްގެ ހޯލްތަކުން މުސްލިމުންގެ އަޑު އިއްވަމުންދާކަން ހަނދާންކޮށްދޭ ވަރުގަދަ ރަމްޒެއް. ހާއްސަކޮށް މިއަދު އިސްލާމޯފޯބިއާގެ އަމަލުތައް ގިނަވަމުން ދާއިރު މިއީ ހެޔޮ ފާލެއް." އެމެރިކާގެ މުސްލިމުންގެ ޖަމުއިއްޔާ ކެއާގެ ދައުލަތުގެ އިދާރާތަކާ ބެހޭ ޑިރެކްޓަރު ރޮބަޓް މެކްކޯ ވިދާޅުވިއެވެ.
އުމުރުން 47 އަހަރުގެ ލަޠީފާއަކީ، ސެންފްރެންސިސްކޯ ބޭ އޭރިއާގެ ގިނަ ދުވަސްތަކެއް ވަންދެން އިޖުތިމާޢީ ޚިދުމަތުގައި އުޅުއްވާފައިވާ ބޭކަނބަލެކެވެ.
