ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީއަށް 14 މަޤާމަކަށް މެމްބަރުން ހޯދުމަށް ހުޅުވާލައިފިއެވެ.
މި މަޤާމުތަކުގެ ދައުރަކީ 2025 އެޕްރީލް 1 އިން ފެށިގެން 4 އަހަރު ދުވަހެވެ.
މި މަޤާމުތަކަށް ކުރިމަތިލެވޭނީ 18 އަހަރުން މަތީގެ، އެސޯސިއޭޝަންގެ މެމްބަރު ކްލަބެއްގެ މެމްބަރުންނަށް ނުވަތަ އަމިއްލަ މެމްބަރުންނަށް ނުވަތަ މިހާރުގެ ހިންގާ ކޮމިޓީގެ މެމްބަރުންނަށެވެ. އަދި ޖިނާއީ ޙުކުމެއް ތަންފީޒުކުރަމުންދާ މީހަކަށް ނުވުމާއި، ބުއްދި ސަލާމަތުން ހުރުން ލާޒިމްވެއެވެ. އެކްސް އޮފީޝިއޯ މަޤާމުތަކަށް (ޕްރެޒިޑެންޓް އަދި ވައިސް ޕްރެޒިޑެންޓުންގެ މަޤާމުތައް) ކުރިމަތިލެވޭނީ މަދުވެގެން 3 ވޯޓުލެވޭ މެމްބަރުންގެ ތާއީދާއެކު ޓީމެއްގެ ގޮތުގައެވެ. ޓްރެޝަރަރގެ މަޤާމަށް ކުރިމަތިލެވޭނީ 1 މެމްބަރެއްގެ ތާއީދާއެކުގައެވެ. އަދި ހިންގާ ކޮމިޓީގެ މެމްބަރުކަމަށް ކުރިމަތިލެވޭނީ ވަކިވަކި މެމްބަރުންގެ ގޮތުގައެވެ.
ޝަރުޠު ހަމަވާ ފަރާތްތަކުން 2025 ޖަނަވަރީ 27 ވަނަ ދުވަހުގެ ހަވީރު 4:00 ގެ ކުރިން އެޕްލިކޭޝަން ފޯމާއި ބޭނުންވާ ލިޔެކިޔުންތައް ވޮލީބޯލް އެސޯސިއޭޝަނަށް ހުށަހަޅަންވާނެއެވެ.
