ރާއްޖޭގެ އެންމެ މަގުބޫލްު މޭވާއަކީ އަންބު ކަމަށްވާއިރު، އަނބު ގަސް އިންދާ ހެއްދުމަށް މީހުންގެ ޝައުގުވެރިކަން އެހާވެސް ބޮޑެވެ. އެހެންނަމަވެސް އަނބުގަސް އިންދާ ހައްދާ، އޭގެން ނަފާ ހޯދުމަކީ ވަރަށްވެސް އުންދަގޫކަމަކަށް ވަނީ ވެފައެވެ. މީގެ ކުރިން ގަސް ހައްދާނެ ގޮތް ވާނީ ގެނެސްދެވިފައެވެ. މި ލިޔުމުގައި އަލިއަޅުވާލާނީ އަނބުގަހަށް އާންުކޮން ޖެހޭ ބަލިތަކާއި އޭގެ ފަރުވާ އަށެވެ.
އެންތްރެކްނޯސް:
މިއީ ފަންގަސްއަކުން ޖެހޭ ބައްޔެކެވެ. މިބަލި ޖުހުމުން ފަތްތަކުގައި ކަޅުލައްތަކެއް ޖަހައެވެ. އަދި މިލައްތައް ބޮޑުވެއެވެ. އަދި ދުވަސްކޮޅެއްފަހުން ލައްތައްޖެހި ތަންތަން ހިކިގެން ވެއްޓެއެވެ. އަދި މަލުގައިވެސް މިގޮތަށް ލައްޖަހައި މައު ވެއްޓެއެވެ. އޭގެ އިތުރުން ޅަ އަނބަށް މި ބަލި ޖެހުމުން ވަނދުވެގެން ވެއްޓެއެެވެ. ދޮން އަންބުގައި މިލައްތައްޖެހުމުން އަނބު ފީވާގޮތް ވެއެވެ.
ފަރުވާ:
މި ބަލި އަނބުގަހަށް ޖެހުމުން ދުންފަތު ފެނުން ސްޕްރޭ ކުރާށެވެ. ރަނގަޅު ނުވެއްޖެނަމަ ފަންގިސައިޑެއް ބޭނުންކުރާށެވެ.
ފަނިއެޅުން:
މިއީ ގައިގަޑަކަށް 27 މިލިމީޓަރ ދިގު ފެހިކުލައިގެ ފަންޏެކެވެ. ފަނީގެ ބުރަކަށިމަތީގައްޔާއި ދެ އަރިމަތީގައި ކަޅު ތިކިޔަކެއް ހުންނާނެއެވެ. މި ފަނި ކާނީ ގަހުގެ ކުރީގެ އެތެރެއެވެ. މިގޮތަށް އެތެރެ ކެއުމުން ގަހުގެ ކުރި އަނދާނެއެވެ.
ފަރުވާ: މިފަނި ފެނިއްޖެނަމަ، އޯމޯ/ ސައިބޯނި ފެނުން ސްޕްރޭކުރާށެވެ. ރަގަޅު ނުވެއްޖެނަމަ އިންސެކްޓިސައިޑަކުން ސްޕްރޭކުރާށެވެ.
ސްލޭލް:
މި ބަލިޖެހުމުން ފަތްތައް ދޮންވެ، ވެރޭނެއެވެ. އަދި ގަސްނުހެދި ގޮފިތައް ދޮންވެ ވެރޭނެއެވެ. އަދި ގަސްނުހެދި ގޮފިތައް މަރުވާން ފަށާނެއެވެ.
ފަރުވާ: މިބަލި ޖެހިއްޖެ ނަމަ އިންސެކްޓިސައިޑަކުން ސްޕްރޭކުރާށެވެ.
މެންގޯ ލީޕް ހޮޕަރ:
ރާއްޖޭހައި ހެދޭ އަނބުގަސްތަކަށް އެންމެ ބޮޑަާް ގެއްލުންދޭ ސުތްޕަކީ މެންގޯ ލީފް ހޮޕަރ އެވެ. މި ސޫފީގެ ބޮޑު މިނުގައި ހުންނަނީ ގާތްގަނޑަކަށް 4-5 މިލިމީޓަރެވެ. މި ސޫފީގެ ގައިގެ ކުލައަކީ ރަންމުށި ކުލައަކަށްދާ ކުލައެކެވެ. މި ސޫތްޕަކީ ގަހުގެ ދިޔަ ބޯ ސުއިޕެކެވެ. ދިޔަ ބުއިމުގެ ސަބަބުންނާއި ތަނޑިއަށް ބިސްއެޅުމުން ތަނޑީގައި އެޅޭ ލޯވަޅުތަކުގެ ސަބަބުން މޭވާ އަޅަން ބޭނުންވާ ކާނާ މަލަކަށް ނުލިބޭނެއެވެ. އެހެންކަމުން މާތައް ވެއްޓެން ފަށައެވެ.
ކޮންޓްރޯލް ކުރުން:
މާއަޅާ ދުވަސްވަރު ގާތްވުމުން ޑައިމެތޮއޭޓް 2 ފަހަރުމަތިން ބޭނުންކުރެވިދާނެއެވެ. ފުރަތަމަ ސްޕްރޭ ކުރުމަށްފަހު ދެން ސްޕްރޭ ކުރުމަށްފަހު ދެން ސްޕްރޭ ކުރާނީ 7 ދުވަސް ފަހުންނެވެ.
މި ލިޔުމުގައި މި ބަލާލީ އަނބުގަހަށް އާންމުކޮށް ޖެހޭ ބަލިތަކާއި އޭގެ ފަރުވާއަށެވެ. މި ލިޔުމުގެ ޒަރީއާއިން އަނބު ގަސް ތަކަށް ޖެހޭ ބަލިތަކުން ދިމާވާގޮންޖެހުންތަކުން އަރައިގަތުމަށް އެހީއަކަށްވެގެންދާނޭކަމަށް އުންމީދުކުރަމެވެ.
https://sarukaaru.gov.mv/articles/6736
