މިއަދު ހަވީރު 4:00 ގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ނޫސްވެރިންނާ ބައްދަލު ކުރައްވާ ގޮތަށް ހަމަޖެހިއްޖެއެވެ.
ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ މިއަދު 4:00 ޖަހާއިރު ރައީސް ސާލިހް ނޫސްވެރިންނާ ބައްދަލު ކުރައްވާނީ ވާޗުއަލް ކޮށް ކަމަށެވެ.
ރައީސް ސާލިހް އެންމެ ފަހުން ނޫސްވެރިންގެ ބައްދަލުވުމެއް ބާއްވަވާފައިވަނީ މިދިޔަ އަހަރުގެ ޖޫން މަހުގެ 23 ވަނަ ދުވަހުއެވެ.
ރައީސް ނޫސްވެރިންނާއި ބައްދަލު ނުކުރައްވާތާ ގިނަ ދުވަސްތަކެއް ވެފައި ވުމާއި ގުޅިގެން ގިނަ ނޫސްވެރިންތަނެއް ވަނީ ރައީސްގެ އަރިހުގައި އެކަމުގެ ކަންބޮޑުވުން ހިއްސާކޮށްފައެވެ.
