ރާއްޖޭގެ ގިނަ ރަށްރަށުގެ ބިންތަކަކީ ކާނާގެ ގޮތުން ނިކަމެތި، ރަގަލަށް ފެން ހިފަހައްޓައިނުދޭ، ގަސް ހެއްދުމަށް އެކަށީގެންވާ ވަރަށްވުރެ ދެރަ ބިން ބިމެވެ. މިކަހަލަ ބިންތަކުގައި ގަސް ހެއްދޭނީ ފަސްގަނޑަށް ކާނާ ފޯރުކޮށްދީ، ފަސްގަނދު މުއްސަނދި ކޮށްގެންނެވެ، މިގޮތުން އެންމެ ފަސޭހައިން މިކަން ކުރެވިދާނެ އެއްގޮތަކީ ކާދު ތައްޔާރު ކުރުމެވެ، ނުވަތަ ތައްޔާރީ ކާދު ގަނެ، ފަސްގަނޑާއި އެއްކުރުމެވެ. މީގެ އިތުރުން ރާއްޖެ ކަހަލަ، ފަސްގަނޑުގެ ޕީއެޗް މަތި ޤައުމަކަށް، ކާދުގެ މުހިންމުކަން އިތުރުވެގެންދެއެވެ. ކާދު ފަސްގަނޑާއި ެއްކޮށްގެން ޕީއެޗްގެ މިންގަނޑު ދަށްކުރެވި، ފަސްގަނޑުގައި ހުންނަ ކާނާ ގަހަށް ނަގައިދޭ މިންވަރު އިތުރުކޮށްދެއެވެ.
މައިގަނޑު ދެ ވައްތަރެއްގެ ކާދެއް ފާހަގަކޮށްލެވެއެވެ. އެއީ:
· ފެހި ކާދު(ގްރީން ެނުއަރ)
· ފެހި ކާދުގެ ތެރެއަށް އިތުރަށް ޖަނަވާރުގެ ބައިތައް އެއްކޮސްގެން ތައްޔާރުކުރާ ކާދު
ފެހި ކާދު
މިއީ ހަމައެކަނި ގަސްގަހުގެ ބައިތައް ބޭނުންކޮށްގެން ތައްޔާރު ކުރާ ކާދެކެވެ. މިގޮތުން މިކަމަށް އެންމެ އެކަށީގެންވަނީ ތޮޅި އާއިލާގެ ގަސްގަހެވެ. ފެހި ކާދު ތައްޔާރު ކުރުމަށްޓަކައި ކަނޑައެޅޭ ވަކި ހިސާބެއްގައި އެންމެ ފުރަތަމަ ތޮޅި އާއިލާގެ ގަސް އިންދި ދާނެއެވެ.
ތޮޅި އާއިލާގެ ގަސްތަކުގެ މުލުގައި އެކުލެވޭ ޚާއްސަ ޖަރާސީމަކުން ފަސްގަނޑުގައި ނައިޓަރިޖަން މުއްސަދި ކޮށްދެއެވެ. ކްރޮޕް ނިމުމުން ފަސްގަނދު ޖަހާއިރު ގަސްތައް ވަޅު ޖެހޭ ގޮތަށް ފަސްގަނޑު ޖަހާށެވެ. މިގޮތަށް ވަޅު ޖައްސަން ރަނގަޅީ ހަރުތޮށި އެކުނުލެވޭ ގަހުގެ ބައިތަކެވެ. ހަރުތޮށި ނުވަތަ ބޮޑެތި ގޮފި އެކުލެވޭ ނަމަ އެންމެ ރަނގަޅު ގޮތަކީ އެ ބައިތައް ވަކިން ނެގުމެވެ.
ތޮޅި އާއިލާގެ ގަހުގެބައިތައް މިގޮތަށް ފަސްގަނޑުގައި ވަޅުލުމުން އެތަކެތި ފީވެގެން ދާއިރު، ފަސްގަނދު މުއްސަނދި ކޮށްދެއެވެ.
ދިރޭ ޖަނަވާރުގެ ބައިތަކުން
އިސްވެ ބުނެވުނު ގޮތަށް ކާދު ތައްޔާރު ކުރާއިރު ފަސްގަނޑަށް ލިބޭ ކާނާގެ ވަކި މާއްދާ ތަކެކެވެ. އެހެންކަމުން އިތުރު މާއްދާތައް ފޯރުކޮށްދިނުމަށް، އިތުރު ބާވަތްތައްވެސް ކާދަށް އެއްކުރެވިދާނެއެވެ. މިގޮތުން ގެރިގުއި، ބަކަރިގުއި، މަސް ކުނޑި އަދި ކުކުޅު ކޮށީގެ ކުނޑި ގަނޑަކީ މިގޮތަށް ބޭނުންކުރެވިދާނެ ތަކެއްޗެވެ.
މި ގޮތަށް ކުނިބުނި އެއްކޮށްގެން ކާދަށް ބަދަލުވުމުން ފަސްގަނޑުގައި ރަނގަޅަށް ފެނާއި ކާނާ ހިފަހައްޓައިދީ ގަސްތަކަށް ފޯރޮކޮށްދެއެވެ.
ކާދު ތައްޔާރުކުރެވިދާނެ ގޮތްތައް:
· ވަޅުގަނޑު ހަދައިގެން
މިގޮތަށް ކާދު ތައްޔާރު ކުރުމަށްޓަކައި 1 މީޓަރު ފުޅާ، 1.5 މީޓަރު ދިގު އަދި 2 ފޫޓު ފުންމިނުގެ ވަޅުގަނޑެއް ކޮނެވިދާނެއެވެ. ކާދު ތައްޔާރު ކުރުމަށް އެއްކޮށްފައި ހުރި ފަތާއި ޖަނަވާރުގެ ނަޖިސް، ބަދިގޭ ކުނި، އަދި ފަސް ރަނގަޅަށް އެއްކުރުމަށްފަހު ވަޅުގަނޑަށް އަޅާނީއެވެ. ވަޅަށް ކުނިތައް އަޅާ ނިމޭއިރު ބިމުން މައްޗަށް މަދުވެގެން 1 ފޫޓަށް އުސްމިން ބެހެއްޓީމަ ރަނގަޅު ވާނެއެވެ. ކުނި ފުނީގެ އެންމެ މައްޗަށް ހިކި ފަތާއި ހިކި ފަން އަޅަން ވާނެއެވެ.
· ކޮށި ހެދުން
ކޮށި ތައްޔާރުކުރާނީ 1 ސެންޓިމީޓަރު ގޮޅި ހުންނަ ނަރުދާ ބޭނުން ކޮށްގެން ވައްކޮށެވެ. އުސްމިނުގައި 3 ފޫޓު ނަވަތަ 4 ފޫޓު ބެހެއްޓުމުން ރަނގަޅުވާނެއެވެ. ކޮށީގެ އަނގަމަޓީގައި 3 ފޫޓު ބެހެއްޓިދާނެއެވެ. އަދި ކޮށީގެ ބޭރުން ވަށައިގެން ސްޕޯޓް ދިނުމަށްޓަކައި ދަނޑި ޖަހަންވާނެއެވެ.
· ޕައިލް ޖެހުން
ކޮމްޕޯސްޓް ޕައިލް ނުވަތަ ކާދު ފުނި ޖެހުމަކީ ކާދު ތައްޔާރު ކުރުމުގައި އެންމެ ފަސޭހަ އަދި ޚަރަދު ކުޑަ ގޮތެވެ. މި ގޮތަށް ކާދު ތައްޔާރުކުރާއިރު ވަސްދުވާ ޒާތުގެ ފަނާވާ ކުނިތައް ވާހާވެސް ބޮޑަށް ފުނީގެ މެދަށް އެޅުން މުހިންމެވެ.
ކާދު ފުނި ތައްޔާރުކުރާނީ ހަތަރެސްކަނަށެވެ. އެގޮތުން ފުޅައު މިނުގައި 3 ފޫޓު، ދިގު މިނުގައި 4 ފޫޓު އަދި އުސް މިނުގައި ވެސް 3 ފޫޓާއި 4 ފޫޓާ ދެމެދު ބެހެއްޓިދާނެއެވެ.
ކުނިފުނި މާ އުސްކޮސްފިނަމަ، އޭގެތެރޭގައި ހޫނުމިން ގަދަވެ، ކާދު ތައްޔާރުކުރުމުގައި އެހީތެރިވެދޭ ޖަރާސީމުތައް މަރުވާނެެެެެެެެެެެެެެެެެއެވެ. އެގޮތުން ކާދުފަނީގެ ތެރޭގައި ބެހެއްޓުމަށް އެންމެ އެކަށީގެންވާ ހޫނުމިނަކީ 45 ޑިގްރީ އާއި 60 ޑިގްރީ އާއި ދެމެދުގެ ހޫނުމިނެކެވެ.
އަދި ނުނިމޭ........
