ކ. ހުރާގައި ގަވާއިދާއި ހިލާފަށް އުޅެމުން ދިޔަ ގިނަ އަދަދެއްގެ ބިދޭސީން މޯލްޑިވްސް އިމިގްރޭޝަނުގެ ބެލުމުގެ ދަށަށް ގެނެސްފިއެވެ.
އިމިގްރޭޝަނުން މި ކަން ހާމަކޮށްފައިވަނީ މިއަދު "އެކްސް" ގައި ކުރި ޕޯސްޓެއްގައެވެ.
އެ ޕޯސްޓްގައި އެ އިދާރާއިން އިތުރަށް ބުނެފައިވަނީ ބުނީ އިމިގްރޭޝަންގެ ޓާސްކްފޯހުން ހުރާގައި ހާއްސަ ރެއިޑް އޮޕަރޭޝަނެއް ކުރިއަށް ގެންގޮސްފައި ވަނީ އިއްޔެ ހެނދުނު 6:00 އިން ހަވީރު 5:00 އަށް ކަމަށެވެ.
މި އޮޕަރޭޝަނުގައި ގަވާއިދާ ހިފަށް ބިދޭސީން އުޅެމުންދާ ތަންތަން ވަނީ ބަލައި 46 ބިދޭސީން ވަނީ އިމިގްރޭޝަންގެ ބެލުމުގެ ދަށަށް ވަނީ ގެންގޮސްފައެވެ.
މިއީ ގަވާއިދާ ހިލާފަށް އުޅެމުންދާ ބިދޭސީން ހޯދުމަށް އިމިގްރޭޝަނުން ކުރަމުންދާ މަސައްކަތުގެ ތެރެއިން ހިންގުނު އޮޕަރޭޝަނެކެވެ.
އަދި އެ އިދާރާއިން ދަނީ ގަވާއިދާ ހިލާފަށް އުޅެމުންދާ ބިދޭސީން ފުރުވާލުމަށްވެސް ގިނަ އޮޕަރޭޝަންތަކެއް ހިންގަމުންނެވެ. އެގޮތުން މިދިޔަ އަހަރު ހިންގި އޮޕަރޭޝަންތަކުގައި އެކަނިވެސް 5600 އަށްވުރެ ގިނަ ބިދޭސީން ވަނީ އެމީހުންގެ ޤައުމަށް އަނބުރާ ފޮނުވާލާފައެވެ.
