ސޫރިޔާގެ ރައީސްގެ މަގާމަށް ވަގުތީ ގޮތުން އަބޫ މުހައްމަދު އަލްޖައުލާނީ ހަމަޖައްސައިފިއެވެ. އަދި އެއާއެކު ސޫރިޔާގެ ހުރިހައި ހަނގުރާމަވެރި ޖަމާއަތްތައް މިއަދުން ފެށިގެން އުވާލައިފިއެވެ.
ޖައުލާނީއަށް ގައުމުގެ އެންމެ އިސްމަގާމު ލިބުމާއެކު އޭނާއާ އެންމެ ފުރަތަމަ ބައްދަލު ކުރައްވާ ބޭރުގެ އިއްޒަތްތެރިއަކީ، ޤަތަރުގެ އަމީރު ޝައިޚު ތަމީމް އެވެ. ޝެއިޚު ވަނީ މިއަދު ދިމިޝްޤަށް ވަޑައިގެންފައެވެ.
ސޫރިޔާގައި އައު ގާނޫނުއަސާސީއެއް އެކުލަވާލުމަށް މަޖިލީހެއް އެކުލަވާލުމުގެ ބާރުވެސް މިހާރު ޖައުލާނީއަށް ދީފައި ވެއެވެ. ޖައުލާނީއަކީ އިންތިޚާބު ވެގެން ވެރިކަން ހޯދާފައިވާ މީހެއް ނޫނެވެ.
