އިތުރު 8000 މީހަކަށް ރީރެޖިސްޓާ ކުރުމުގެ ފުރުސަތު ވަރަށް އަވަހަށް ހުޅުވާލާނެ ކަމަށް އިލެކްޝަންސް ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެއެވެ.
ޝަރީފް ވިދާޅުވީ ރީ ރަޖިސްޓްރީ ވުމަށް ހުޅުވާލި ފުރުސަތުގައި ވޯޓުގެ ސައްޚަކަން ގެއްލޭ ފަދަ ގޮތަކަށް 8،000 މީހުން ރީ-ރަޖިސްޓްރީކޮށްފައިވާތީ އެ އެންމެންނަށް އަލުން ރީ ރަޖިސްޓްރީ ވުމުގެ ފުރުސަތެއް ދިނުމަށް ނިންމާފައިވާ ކަމަށެވެ.
އަދި މި މީހުންނަށް އަލުން ރީރެޖިސްޓްރީ ވުމުގެ ފުރުސަތު ދިނުމަށް، މި މަ ހަފްތާގެ ތެރޭގައި ހުޅުވާލާނެ ކަމަށް ވެސް ޝަރީފް ވިދާޅުވިއެވެ.
މިހާރު ވޯޓުލުމަށް ރަޖިސްޓަރީވެފައިވާ ތަނުގެ މަޢުލޫމާތު ކޮމިޝަނުގެ ވެބްސައިޓް (www.elections.gov.mv) އިން ޗެކް ކުރެވޭނެއެވެ. އަދި އެސް.އެމް.އެސް ((VR space IDNO Send to 1414 ކޮށްގެން ވެސް ޗެކް ކުރެވޭނެއެވެ.
