ރެސްޓޯރަންޓު، ކެފޭ، އަދި ސައި ހޮޓާފަދަ ކާބޯތަކެތީގެ ހިދުމަތްދޭ ތަންތަން ރޭގަނޑު 8:00 ގެ ފަހުން ބަންދުކުރަން އަންގާފައި އޮތް އެންގުން އިތުރު ހަތަރު ދުވަހަށް ދިގުދަންމާލަން ނިންމައިފި އެވެ.
ޑިރެކްޓާ ޖެނަރަލް އޮފް ޕަބްލިކް ހެލްތު މައިމޫނާ އަބޫބަކުރު ސޮއި ކުރައްވާ، ނެރެފައިވާ އިއުލާނެއްގައި ވިދާޅުވެފައިވަނީ މިވަގުތުން ފެށިގެން މާރިޗު މަހުގެ 24 ވަނަ ދުވަހުގެ ނިޔަލަށް، ފިޔަވަޅުތައް ދަންމާލަން ނިންމާފައިވާ ކަމަށެވެ.
އެ އެންގުމުގައި ބުނެފައިވާ ގޮތުގައި، މާލެ ސަރަޙައްދުގައި ވިޔަފާރީގެ ގޮތުން އާންމުންނަށް ކާބޯތަކެތީގެ ހިދުމަތް ދޭ ހުރިހާ ތަންތަނުން، ޓޭކް އަވޭއާއި ޑެލިވަރީގެ ހިދުމަތް ފިޔަވައި އެހެނިހެން ހިދުމަތް ދިނުން ރޭގަނޑު 8:00 އިން ފެށިގެން ހުއްޓައިލަން ޖެހެއެވެ.
އަދި ޓޭކްއަވޭ އާއި ޑެލިވަރީގެ ހިދުމަތްތައް ވެސް ރޭގަނޑު 10:30 އިން ފެށިގެން ހުއްޓާލަން ޖެހޭނެ އެވެ.
