މާލޭގައި ކާބޯތަކެތީގެ ހިދުމަތްދޭ ކެފޭ ރެސްޓޯރެންޓްތަކުގެ ހިދުމަތް ރޭގަނޑު 10:30 ހާއި ހަމައަށް ދެވޭގޮތަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ހުއްދަދީފިއެވެ.
އެޗްޕީއޭއިން މިއަދު ނެރުނު އެންގުމެއްގައި ބުނެފައިވަނީ ކާބޯތަކެތީގެ ހިދުމަތްދޭ އެންމެހާ ތަންތަނުގެ ހިދުމަތް ރޭގަނޑު 10:30 ހާއި ހަމައަށް ހުޅުވާލާ ކަމަށެވެ.
ރޭގަނޑު 8:00 އިން ފެށިގެން މާލެ ސަރަހައްދުގައި ހިންގާ ހޮޓާ، ކެފޭ އަދި ރެސްޓޯރެންޓްތަކުން ޓޭކްއަވޭއާއި ޑެލިވަރީ ފިޔަވައި އިތުރު ހިދުމަތްތައް ދިނުން ހުއްޓާލަން އެޗްޕީއޭއިން އެންގި އެންގުމުގެ މުއްދަތު ހަތަރު ދުވަހަށް އިތުރު ކުރީ ރޭގަ އެވެ.
ނަމަވެސް މިއަދު އާންމުކުރި އެންގުމުގައި ބުނީ، އެ އެންގުން މިހާރު ބާތިލްކޮށްފައިވާ ކަމަށެވެ.
