ދ. ކުޑަހުވަދޫން ނެގި ރެންޑަމް ދެ ސާމްޕަލެއް ޕޮޒިޓިވްވެއްޖެއެވެ.
ކުޑަހުވަދޫ ކައުންސިލުން ބުނީ އިއްޔެ ވަކި ތަރުތީބެއް ނެތި ނެގި ސާމްޕަލްތަކުގެ ތެރެއިން ދެ ސާމްޕަލެއް ޕޮޒިޓިވް ވެފައިވާކަމަށެވެ.
ކައުންސިލުން ބުނީ ރެންޑަމްކޮށް ދެ މީހަކު ޕޮޒިޓިވްވީ ނަމަވެސް މިއީވެސް އެއާޕޯޓު މުވައްޒަފުންގެ ކޮންޓެކްޓްސް ކަމުގައި ބެލެވޭ ކަމަށެވެ.
ދާލު އެއާޕޯޓުގައި މަސައްކަތް ކުރާ މުވައްޒަފުންތަކެއް ޕޮޒިޓިވް ވުމާ ގުޅިގެން އެރަށް މޮނިޓަރިން އަށް ލާފައިވަނީ މި މަހުގެ 17 ވަނަ ދުވަހު އެވެ. އޭގެ ފަހުން އެ މީހުންނާ ކޮންޓެކްޓްވި މީހުން ހޯދައި އެ މީހުންގެ ސާމްޕަލް ތައް ނެގި އެވެ. އޭގެތެރެއިން ގިނަ އަދަދެއްގެ ބަޔަކު ވަނީ ބައްޔަށް ޕޮޒިޓިވް ވެފަ އެވެ.
