ފަންސަވީސް މީހުންނާއެކު ދަތުރުކުރި ލޯންޗެއްގެ ދެ އިންޖީނުގެ ތެރެއިން އިންޖީނެއްގައި ރޯވެއްޖެއެވެވެ.
އެމްއެޑީއެފުން ވިދާޅުވީ ލޯންޗުގެ އިންޖީނުގައި ރޯވީ އއ. އަތޮޅު ރަސްދޫ އިން ފުރައިގެން މާލެ ދަތުރުކުރަމުން އަންނަނިކޮށް ކަމަށެވެ.
މި ހާދިސާގައި ރޯވީ "ނަވި 2" ނަމަކަށް ކިޔާ ލޯންޗުގެ އިންޖީނުގައެވެ. ލޯންޗުގެ ވެރިފަރާތުން ހަމަޖެއްސި "ނަވި4" ކިޔާ ލޯންޗެއް ވަނީ ރޯވި ލޯންޗުގައި ދަތުރުކުރި ޓޫރިސްޓުން އއ. ރަސްދުއަށް ގެންގޮސްފައި ކަމަށް އެމްއެންޑީއެފުން ވިދާޅުވިއެވެ.
އޭގަ ދަތުރުކުރީ 22 ޓޫރިސްޓުންނާއި 3 ފަޅުވެރިންނެވެ. މި ހާދިސާގައި އެއްވެސް މީހަކަށް އަނިޔާއެއް ނުވެއެވެ. ރޯވި ލޯންޗު މިހާރު ދަނީ މާލެ ދަތުރު ކުރަމުންނެވެ. މިހާދިސާގެ މައުލޫމާތު ފުލުހުންނަށް ލިބިފައިވަނީ 18:45 ގައި ކަމަށް ވެސް އެމްއެންޑީއެފުން ވިދާޅުވިއެވެ.
