ކޮވިޑް-19 އިން ދިފާއުވުމަށް އުފައްދާފައިވާ ކޮވިޝީލްޑް ވެކްސިންގެ ދެވަނަ ޑޯޒު މާލެ ސަރަހައްދުގައި މިއަދު ދޭން ފެށުމަށް ނިންމައިފިއެވެ.
އެޗްޕީއޭ އިން ބުނީ ދެވަނަ ޑޯޒް ފުރަތަމަ ދެވޭނީ ފެބްރުއަރީ 4-1 އާއި ދެމެދު ފުރަތަމަ ޑޯޒް ޖަހާފައިވާ ފަރާތްތަކަށް ކަމަށެވެ.
18 އަހަރުގެ މަތީގެ ހުރިހާ ފަރާތްތަކަކަށް ވެކްސިންގެ ދެވަނަ ޑޯޒު ޖަހަން ވަނީ ހުޅުވާލާފައެވެ.
މާލެ ސަރަހައްދުގައި ވެކްސިން ދިނުން ކުރިއަށްދާނީ ސޯޝަލް ސެންޓަރާއި، ވިލިމާލެ ޒުވާނުންގެ މަރުކަޒާއި، ހުޅުމާލެ ވެކްސިނޭޝަން ސެންޓަރާއި، ނޭޝަނަލް އާޓް ގެެލެރީގެ އިތުރުން ސެނަހިޔާގައެވެ. ވެކްސިން ޖެހުން އޮންނާނީ މިއަދު ހެނދުނު 10 އިން މެންދުރު ތިނެއް ޖެހުމާ ހަމައަށެވެ.
