އެނބޫދޫފިނޮޅު ކައިރީގައި އޮތް ތެޔޮ ބޯޓެއްގައި އަލިފާން ރޯވެއްޖެ ކަމަށް އެމްއެންޑީއެފުން ވިދާޅުވެއްޖެއެވެ. މޭޖަރ އިބްރާހީމް ޢާޒިމް ވިދާޅުވީ ހާދިސާގެ މައުލޫމާތު ލިބުމާއެކު އެ އަލިފާން ނިއްވުގެ މަސައްކަތުގައި ސިފައިންގެެ ފަޔަަރ ޓީމުތައް ދަނީ ހަރަކާތްތެެރިވަމުން ކަމަށެވެ.
ބޯޓުގައި އަލިފާން ރޯވީ ތެޔޮބަރުކޮށްގެން މާލެއިން ފުރައިގެން ލ. އަތޮޅަށް ދަތުރު ކުރަނިކޮށް ކަމަށް ވެސް ޢާޒިމް ވިދާޅުވިއެވެ. އެެ ބޯޓުގައި ރޯވިއިރު ފަސްދޮޅަސް ހާސް ލީޓަރު ޑީސެލް ހުއްޓެވެ. ނަމަވެެސް ރޯވާން ދިމާވި ސަބަބެެއް އަދި އެނގިފައެއް ނުވެއެެވެ.
ޢާޒިމް ވިދާޅުވީ މި ޙާދިސާ ހިނގި އިރު ބޯޓުގައި ތިބީ 4 މީހުންނެވެ. އެއީ 3 ދިވެހީނާއި ބިދޭސީއެކެވެ. މި 4 މީހުން ވެސް ވަނީ އެއްވެސް އަނިޔާއެއް ނުލިބި ރައްކާތެރި ކަމާއެކު މާލެ ގެނެވިފައި ކަމަށް އޭނާ ވިދާޅުވިއެވެ. އެ މީހުން މާލެެ ގެނެސްފައިވަނީ އެ ސަރަހައްދުން ދަތުރުކުރި އެހެން އުޅަނދެއްގައެވެ.
ޢާޒިމް ވިދާޅުވީ މިއަދު 18:27 ގައި ބޯޓުވަނީ އަޑިއަށް ގޮސްފައި ކަމަށެވެ.
