ސައުދީ އަރަބިއްޔާއިން ޕޮލީމާ ނޫޓްތައް ތައާރަފް ކުރަން ނިންމައިފިއެވެ. އެއާއެކު ހޯމަ ދުވަހުން ފެށިގެން ފަސް ރިޔާލަގެ ނޫޓް ވަނީ ބޭނުމަށް ނެރެފައެވެ.
އަލަށް ތަޢާރަފް ކުރާ ނޫޓަކީ ރާއްޖޭގައި ބޭނުންކުރާފަދަ ޕޮލީމާ ނޫޓްތަކެކެވެ.
އަލަށް ނެރުނު ފަސް ރިޔާލަ ގެ ނޫޓުގެ ކުލައާއި ޑިޒައިން އަކީ މިހާރުވެސް ބޭނުންކުރާ ކޮޓަން ކަރުދާހުގައި ޗާޕްކޮށްފައިވާ ނޫޓްގެ ޑިޒައންއާ ކުލައާ އެއް ވައްތަރު އެއްޗެކެވެ.
ޕޮލީމާ ނޫޓްތަކަކީ ޕްލާސްޓިކުގެ މާއްދާއަކުން ޕްރިންޓް ކުރުމުގެ ޚައްސަ ވައްތަރެއް ބޭނުންކޮށްގެން ނެރޭ ނޫޓްތަކެކެވެ. މީގައި ސެކިއުރިޓީއާއި ނޫޓްތަކުގެ އުމުރު ދުގުވުން ކަރުދާސް ނޫތްތަކަށް ވުރެން ރަނގަޅުވާނެއެވެ.
ކަރުދާސް ނޫޓްތަކަކީ، ކަފަ އިން އުފައްދާ ކަރުދާހުން ހަދާ ނޫޓްތަކެކެވެ. ދޮންނަ މެޝިންގައި ދޮވެވޭ އިރު ނޫޓްތައް ނުގިރި ހުންނަނީ މި ސަބަބާހެދިއެވެ.
