އިންޑިއާއާއި ފަރަންސޭސިވިލާތުން އަރަބި ކަނޑުގައި ހަނގުރމައިގެ ތަމްރީންތައް މި ހަފްތާގައި ބާއްވަން ނިންމައިފިއެވެ. މިއަދުން ފެށިގެން ތިން ދުވަހަށް ބާއްވާ މި ތަމްރީންތަކުގައި ވައިގެ ދިފާއާއި ސެބްމެރިންއާ ދެކޮޅަށް ހަމަލަ ދިނުންފަދަ އުނދަގޫ، ތަމްރީންތައް ދެ ގައުމުން ހިންގާނެއެވެ.
މިއީ ދެ ގައުމުގެ ސިފައިންގެ ދެމެދު ބާއްވާ ވަރޫނާ ތަމްރީންތަކުގެ 19 ވަނަ ބުރެވެ.
އިންޑިއާއިން މި ތަމްރީންތަކުގައި މިސައިލް ޑެސްޓްރޯޔަރ ކޯލްކަޓާއާއި ފްރިގޭޓްތަކާއި ސެބްމެރިން އަދި މަތިންދާބޯޓްތައް ބައިވެރި ކުރާނެއެވެ.
ފަރަންސޭސި ސިފައިން ބޭނުންކުރާ އުޅަނދުތަކުގެ ތެރޭގައި މަތިންދާބޯޓް އުފުލާ ޝާލް ޑި ގޯލް މަނަރާއި ރާފާއެލް ފައިޓަރ ޖެޓްތަކާއި ހެލިކޮޕްޓަރތައް ބޭނުން ކުރާނެއެވެ.
