އިރާގްގައި ނިއުކްލިއަރ ރިއެކްޓަރ ބިނާ ކުރުމަށް އެގައުމުން މަޝްވަރާ ފަށައިފިއެވެ. އިރާގްގެ ރޭޑިއޯ އެކްޓިވް ސޯސަސް ރެގިއުލޭޓްރީ އޮތޮރިޓީ އިން މަސައްކަތް ކުރަމުން ދަނީ ރަޝިޔާއާއި ފްރންސާއި ޔޫއެސްއާއެކު މި ކަމާ ގުޅޭ މަޝްވަރާތައް ބާއްވާށެވެ.
މިހާތަނަށް ރަޝިޔާއާއެކު ބާއްވާފައިވާ މަޝްވަރާތަކުގައި އެމްއޯޔޫއެއް ވަނީ އެކުލަވާލާފައެވެ. އަދި ފަރަންސޭސި ޑިޕްލޮމޭޓުންނާއެކު ކުރިއަށް އޮތް ދުވަސްތަކުގައ މަޝްވަރާތައް އޮންނާނެއެވެ.
މެދުއިރުމަތީގައި މި ވަގުތު މަސައްކަތް ކުރާ ނިއުކްލިއަރ ރިއެކްޓަރތައް ހުރީ އީރާނާއި ޔޫއޭއީގައެވެ. ސައޫދީ އަރަބިއްޔާއިންވެސް ރާވާފައި ވަނީ 2040ގައި 17 ގިގަވޮޓްގެ ކަރަންޓް ނިއުކްލިއަރ އިން އުފައްދާށެވެ. މިސްރުންވެސް މަސައްކަތް ކުރަމުން ދަނީ 25 ބިލިއަން ޑޮލަރު ހޭދަކޮށްގެން ރަޝިޔާއާއެކު ހަތަރު ރިއެކްޓަރ ބިނާ ކުރާށެވެ.
