ބެންގަލޯރގައި ކޮވިޑް19 ކޮންޓްރޯލް ކުރުމަށް ކަރްނާޓަކާ ސަރުކާރުން ބައެއް ފިޔަވަޅުތައް އެޅުމަށް ނިންމައިފިއެވެ. ތިން ގަޑިއިރުގެ ކެބިނެޓް ބައްދަލުވުމަކަށްފަހު، ސަރުކާރުން އަންނަނިވި ކަންކަން އިޢްލން ކޮށްފިއެވެ.
އަސާސީ ބާވަތްތައް ވިއްކާ ފިހާރަތައް ހުޅުވާފައި ހުންނާނީ ހެނދުނު 6ން ފެށިގެން ހެނދުނު 10އަށެވެ.
ދަނޑުވެރިކަމުގެ ދާއިރާއާއި އުފެއްދުންތެރިކަމުގެ ދާއިރާއާއި ކޮންސްޓްރަކްޝަން އަދި ސިއްޙީ ދާރިއާ ތައް ހުޅުވިފައި ހުންނާނެއެވެ.
ފޮތި އުފެއްދުމުގެ ދާއިރާ ހުންނަނީ ބަންދުކޮށްފައެވެ.
ރޭގަނޑު 9ން ފެށިގެން ހެނދު 6ށް ބޭރަށް ނިކުމެ އުޅުން މަނާ ވާނެއެވެ.
ޕަބްލިކް ޓްރާންސް ޕޯޓް ބަންދު ވާނެއެވެ. އެކަމަކު އަސާސީ ޚިދުމަތާއި މުދާ އުފުލުމުގެ މަސައްކަތް ކުރިއަށް ދާނެއެވެ.
ބޭންކިންގ ގެ ދާއިރާ ހުންނާނީ ހުޅުވިފައެވެ.
ޓޭކްއަވޭއާއި ރެސްޓޯރެންޓްތައް ހުންނާނީ ހުޅުވިފައެވެ.
ދެ ހަފްތާ ތެރޭ ކޮވިޑްގެ ހާލަތު ކޮންޓްރޯލް ނުވާނަމަ، އިތުރު ހަރުކަށި ފިޔަވަޅުތައް ސަރުކާރުން ތައާރަފް ކުރާނެއެވެ.
