ރޯދަ ސުފުރާ: ޗިކަން ޓިއްކާ ސޭންޑްވިޗް

ބޭނުންވާ ތަކެތި

250 ގުރާމު ބޯންލެސް ޗިކަން

2 މޭޒުމަތީ ސަމުސާ ޕްލޭން ޔޯގަޓް

1/2 ޕެޕްރިކާ ޕައުޑަރ (ބަދަލުގައި މުގުރި މިރުސް ބޭނުން ކުރެވިދާނެ)

½ 1 ޓިއްކާ މަސާލާ (އިންޑިއަން ޓިއްކާ ހަވާދު)

2/1 މޭޒުމަތީ ސަމުސާ ލޮނު

1 މޭޒުމަތީ ސަމުސާ ލުނބޯ ހުތް

1/2 މޭޒުމަތީ ސަމުސާ އިނގުރު ލޮނުމެދު (ޗަސްކޮށްފައި)

1/2 މޭޒުމަތީ ސަމުސާ ލޮނު

2 މޭޒުމަތީ ސަމުސާ ތެޔޮ

6 ބިސް

1 މޭޒުމަތީ ސަމުސާ މުގުރި އަސޭމިރުސް

3 މޭޒުމަތީ ސަމުސާ މަޔޯނައިސް

3 މޭޒުމަތީ ސަމުސާ ޓޮމާޓޯ ކެޗަޕް

8 ފޮތި ޕާން ފޮތި

4 ފޮތި ޗީޒް ސްލައިސް

ކިޔުކަންބަރ

ތައްޔާރުކުރާނެގޮތް

އެންމެ ފުރަތަމަ ކުކުޅުތައް ބޮޑެތިކޮށް ކޮށާލާށެވެ. އެއަށްފަހު ޔޯގަރޓް، ލޮނު، ޓިއްކާ މަސާލަ، ލުނބޯހުތް، ޕެޕްރިކާ ޕައުޑަރ، އިނގުރު ލޮނުމެދު ޕޭސްޓް އެއްކޮށް މެރިނޭޓް ކުރަން 30 މިނެޓް ބަހައްޓާށެވެ.

އެއަށްފަހު މުގުރި އަސޭމިރުސް އަޅައިގެން ބިސްގަނޑު އަޅާށެވެ.

ދެން ތަވަޔަކަށް ތެޔޮ އަޅައި ހޫނު ވުމުން ކުކުޅު މަސްތައް އަޅާ ހަނާކޮށްލާށެވެ. ހަނާ ވުމުން ތަވާ ބާލައި މަސްތައް ކުދިކޮށް ކޮށާލާށެވެ. އެއަށްފަހު ޕާންފޮތި ތަކުގެ ކައިރި ކަފާލާށެވެ. ދެން ތަވަޔެއްގައި ޕާންފޮތިތަކުގެ ދެފުށް ފިހެލާށެވެ. އެއަށްފަހު ޕާން ފޮތިތަކުގައި ޗީޒް އާއި ޓޮމާޓޯ ކެޗަޕް އުނގުޅާށެވެ. ޗީޒް އާއި ކެޗަޕް އުނގުޅާއިރު ފުޅިއަކުން ނުވަތަ އައިސިންބޭގުން ރޮނގު ރޮނގަށް އެޅުމުން ރީތިކޮށް ހުންނާނެއެވެ. އެއަށްފަހު ލެޓިޔުސް ފަތް ބިސްގަނޑު ޗީޒް ސްލައިސް އަދި ކިޔުކަންބާ ބަހައްޓާށެވެ. ދެން ޕާނުގެ އަނެއްފޮތި މަތީގައި ބާއްވާށެވެ. ދެން އަނެއްކާވެސް ދެ ފޮތި ޕާނުގައި ކެޗަޕާއި ޗީސް އުނގުޅުމަށްފަހު ޕާން ފޮތި މައްޗަށް ކޮށި ކުކުޅުމަސްތައް އަޅާށެވެ. އެއަށްފަހު މަތީގައި އަނެއް ޕާންފޮތި ބާއްވާފައި (ތިންކަން) ސޭންޑްވިޗެއް ވާނެހެން ކަފާލާށެވެ.