އުމުރުން 4 އަހަރުގައި މައިކްރޯސޮފްޓް ސަރޓިފައިޑް ޕްރޮފެޝަނަލް (އެމްސީޕީ) އެގްޒާމް ފުރިހަމަކުރި، އުމުރުން އެންމެ ހަގު ކުއްޖަކަށް ޕާކިސްތާންގެ އަރީޝް ފާޠިމާ ވެއްޖެއެވެ. އެމްސީޕީ އެގްޒާމްގައި އަރީޝް ފާޠިމާ ހޯދާފައި ވަނީ 831 މާކްސްއެވެ.
މައިކްރޯސިފްޓުން އިޢްލާން ކުރި ގޮތުގައި މިއީ ތާރީޚްގައިވެސް މިހާ ހަގު އުމުރެއްގައި މި ސެޓިފިކެޓް ހޯދި ފުރަތަމަ ކުއްޖާއެވެ.
ޕާކިސްތާން ސަރުކާރުންވެސް ވަނީ މިކަން އިޢްލާން ކޮށް މި ކުއްޖާއަށް ތަހުނިޔާ ކިޔާފައެވެ.
ކަރާޗީގައި ދިރިއުޅޭ އަރީޝް ފާޠިމާގެ ބައްޕައަކީވެސް އައިޓީ ޕްރޮފެޝަނަލްއެކެވެ. އޭނާ ކިޔައި ދިން ގޮތުން ފުރަބަންދު ތެރޭ، ގޭގައި ހުރިއިރު، ދަރިފުޅުގެ ޝައުގުވެރިކަން އިޙުސާސް ކުރެވިގެން އޭނާއަށް ކޯޗް ކޮށްދިނީކަމުގައެވެ.
އެމްސީޕީ އެގްޒާމުން ފާސްވާން ބޭނުންވަނީ އެންމެ މަދުވެގެން 700 މާކްސްއެވެ. އަރީޝް ފާޠިމާއަށް ލިބުނީ 831 މާކްސްއެވެ.
އަރީޝްގެ ކުރިން އެންމެ ހަގު މީހަކަށް އެމްސީޕީ އެގްޒާމް ހަދައި ސެޓިފިކެޓް ހޯދާފައި ވަނީ އުމުރުން ފަސް އަހަރުގައި އަޔާން ޤުރައިޝީއެވެ.
