އިނގިރޭސިވިލާތގެ އިދިކޮޅު ލީޑަރު ސިފަ ކުރެއްވި ގޮތުގައި އިނގިރޭސި ބޮޑު ވަޒީރަކީ ވަގެކެވެ. ބޮރިސް ޖޯންސަންއާ ދެކޮޅަށް ޕާލަމެންޓްގައި ބަހުސްކޮށްފައިވާ މައްސަލައަކީ އޭނާ ދިރިއުޅުއްވާ 11 ޑައުނިންގ ސްޓްރީޓްގެ ދޮރުފޮއްޗާއި ވޯލް ޕޭޕަރ، އޭނާގެ ޕާޓީއަށް ހެޔޮ އެދޭ މީހެއްގެ ފަރާތުން ހޯއްދަވާފައިވާ ކަމުގެ ތުހުމަތެވެ.
މި މައްސަލައަށް ދީފައިވާ ނަމަކީ ކޭޝް ފޯރ ކަރޓަންސް އެވެ.
އިނގިރޭސިވިލާތުގެ އިލެކްޓޯރަލް ކޮމިޝަނުން ވަނީ މި މައްސަލަ ތަހްގީގު ކުރަން ފަށާފައެވެ. ފަހަރެއްގައި ފުލުހުންގެ ތަހުގީގަކަށްވެސް މައްސަލަ ބަދަލު ވެދާނެއެވެ. ނުވަތަ މަދަނީ މައްސަލައެއްގެ ގޮތުގައި ވިއްސަކަށް ހާސް ޕައުންޑުގެ ޖުރިމާނާއަކުންވެސް ނިމިދާނެއެވެ.
މި މައްސަލާގައި އީލެމްއާއި މެސެޖްތައް ހޯދައި ހެކިން ހާޒިރުކޮށް ބަޔާން ނެގުމުގެ ބާރުވެސް އިލެކްޝަން ކޮމިޝަނަށް ލިބިގެން ވެއެވެ.
ލޭބަރ ލީޑަރ، ކެއިއަރ ސްޓެމަރ ވަނީ ބޮޑު ވަޒީރާ މުޚާތަބު ކުރައްވައި ޕާލަމެންޓްގައި ސީދާ ސުއާލުތައް ކުރައްވާފައެވެ. އޭނާ ތުހުމަތު ކުރައްވާ ގޮތުގައި ބޮޑު ވަޒިރު ވަނީ ކޮންޒަރވެޓިވް ޕާޓީއަށް ފައިނޭންސް ކުރާ މީހެއްކަމަށްވާ، ޑޭވިޑްބްރައުން ލޯގެ ފަރާތުން 58 ހާސް ޕައުންޑް ކައްވާލައްވާފައެވެ. އޭނާ ޖޯންސަން ސިފަ ކުރައްވަމުްނ ވިދާޅުވީ "މޭޖަރ ސްލީޒް" އެއް ކަމަށެވެ. އަދި އިތުރަށް ވިދާޅުވީ ބައްލަވައި ގަތް ވޯލްޕޭޕަރއަކީވެސް 800 ޕައުންޑަށް ރޯލެއް ދޭ ވައްތަރުގެ އަގު ބޮޑު ވޯލްޕޭޕަރެއް ކަމަށެވެ.
ޖޯންސަން ވަނީ ގޯހެއްހައްދަވާފައި ނުވާނެ ކަމަށް ވިދާޅުވެފައެވެ. 11 ދައުނިންގ ސްޓްރީތްގައި ދިރިއުޅެނީ ޖޯންސަންއާއި ލީބިވެރިޔާއާއި އަންހެން މީހާގެ ދަރިފުޅެވެ.
