އިންޑިއާއަށް ބޭނުންވާ ވެކްސިންގެ ރޯމެޓީރިއަލް ސަޕްލައި ކުރުން ހުއްތާލާފައި ނުވާނެ ކަމަށް އެމެރިކާއިން ބުނަން ފަށައިފިއެވެ. އެމެރިކާއިން އިންޑިއާއަށް ވެކްސިންގެ ރޯމެޓީރިއަލް ސަޕްލައި ކުރުން ހުއްޓާލި މައްސަލައިގައި ވީގޮތް ސާފުކޯށްދޭން ފަށައިފިއެވެ.
ޑިފެންސް ޕްރޮޑަކްޝަން ގާނޫނުގެ ދަށުން އެމެރިކާއިން އިންޑިއާއަށް ވެކްސިންއަށް ބޭނުންވާ ރޯމެޓީރިއަލް ސަޕްލައި ކުރުން ހުއްޓާލި އެވެ. ނަމަވެސް އެމެރިކާގެ މި އަމަލާމެދު އިންޑިއާއާއި ބައިނަލްއަގްވާމީ ފަރާތްތަކުން ފާޑު ކިޔުމުން މިހާރު ބުނަމުން ދަނީ އެމެރިކާއިން އިންޑިއާއަށް ސަލްޕައި ކުރުން ހުއްޓާލާފައި ނުވާނެ ކަމަށެވެ. އަދި ޑިފެނސް ޕްރޮޑަކްޝަން ގާނޫނުގެ އެއްވެސް ތާކު ސަޕްލައި ހުއްޓާލަންވެސް ބުނެފައި ނުވާނެ ކަމަށެވެ.
ވައިޓްހައުސްގެ ކޮވިޑް19ގެ ކޯޑިނޭޓަރ ވިދާޅުވާ ގޮތުގައި އެމެރިކާއިން ކުރިހާވެސް ކަމަކީ، ބައެއް ސާމާނުތައް އެމެރިކާގެ ވެކްސިން އުފެއްދުމުގެ މަސައްކަތަށް ބެހެއްޓީ ކަމުގައެވެ.
އިންޑިއާގެ ނޭޝަނަލް ސެކިއުރިޓީ އެޑްވައިޒަރ އަޖިތު ޑޮވެލްއާއި އެމެރިކާގެ ނޭޝަނަލް ސެކިއުރިޓީ އެޑްވައިޒަރ ޖޭކް ސުލިވަންގެ ފޯނު ކޯލަށްފަހު އެމެރިކާއިން ވަނީ ވެކްސިން ރޯމެޓީރިއަލްއާއި ގިނަ އަދަދެއްގެ ސާމާނު އިންޑިއާއަށް ވަގުތުން ފޯރުވައި ދިނުމަށް ނިންމާފައެވެ. އަދި އެމެރިކާގެ ދިފާއީ ވުޒާރާއިންވެސް ވަނީ ލިބެން ހުރިނަމަ ހުރި އެއްޗެއް އިންޑިއާއަށް ފޯރުވައި ދިނުމަށް މަސައްކަތް ކުރަމުންނެވެ.
