މޫނު ބުރުގާއަކީ މަނާ ހެދުމެއްކަމަށް ސްރީލަންކާގެ ކެބިނެޓުން ނިންމައިފިއެވެ. ޕަބްލިކް ސެކިއުރިޓީ މިނިސްޓަރ ސަރަތު ވީރަސޭކަރަ ވިދާޅުވިގޮތުގައި ކެބިނެޓްގެ މި ނިންމުން ދެން ދާނީ ބަންޑާރަ ނާއިބަށެވެ. އެއަށްފަހު ގާނޫނު ފާސްކުރުމަށް ޕާލަމެންޓަށެވެ.
ކޮންމެވެސް ބައިމަދު ބަޔަކު ދުޝްމަނުން ކަމަށް ހަދައިގެން ވެރިކަން ކުރުމަށް އާދަވެފައިވާ ސްރީލަންކާ އިން ތަމަޅައިންނަށް އަމާޒުކޮށް އެމީހުން ނައްތާލުމަށްފަހު، މިހާރު ރާޖާޕަކްސަ އާއިލާގެ ސަރުކާރުން ވަނީ މުސްލިމުންނާ ޒާތީގޮތުން ދިމާކޮށްފައެވެ.
ވީރަސޭކަރަ މީގެ ކުރިން ވިދާޅުވެފައި ވަނީ މޫނު ބުރުގާއަކީ ގައުމީ ސަލާމަތަށް ހުރި ނުރައްކަލެއް ކަމަށެވެ. ލަންކާގއ އީސްޓަރ ބޮމުގެ ހަމަލާއާ ގުޅިގެން 2019 ގައި މި ހެދުން ދުވަސްކޮޅަކަށް ލަންކާގައި މަނާ ކުރިއެވެ.
އދން ކަނދައަޅާފައިވާ ހިއުމަން ރައިޓްސް ރެޕަޓުއާ އަހްމަދު ޝަހީދު ވިދާޅުވެފައި ވަނީ ލަންކާގެ ނި މިންމުމަކީ، ދީނީ އަގީދާގެ މިނިވަންކަމަށް ބާރުއަޅާ ބައިނަލްއަގްވާމީ މުއާހަދާއާ ޚިލާފް އަމަލެއް ކަމަށެވެ.
ކިޔާލަން:
މުސްލިމުންނަށް ހަސަދަވެރި ބިމެއް
ބުދު ދީނުގެ ހަރުކަށި މީހުން މުސްލިމުންނާ ދެކޮޅަށް ބިރަކާ ނުލައި އަޑު އުފުލާ ލަންކާގެ 22 މިލިއަން އާބާދީގެ 9 އިންސައްތަ އަކީ މުސްލިމުންނެވެ.
ލަންކާގެ މިހާރުގެ ވެރިންނަކީ، އިންސާނީ ހައްގުތަކުގެ މައްސަލާގައި ތުހުމަތު ކުރެވޭ ރެކޯޑްތައް އޮންނަ، އިންސާނީ ހައްގުތަކާ ބެހޭ ގޮތުން އދގެ ހިއުމަން ރައިޓްސް ކައުންސިލުން ސެންސަރު ކޮށްފައިވާ ގައުމެކެވެ. ލަންކާއިން ތަމަޅައިން ނައްތާލުމަށް ކޮށްފައިވާ މަސައްކަތުގެ ރެކޯޑް އެކުލަވާލުމަށް ބައިނަލްއަގްވާމީ ފަންޑެއް އދން ވަނީ އެކުލަވާލާފައެވެ.
