ޓައިވާންގެ ސައިންޓިސްޓުންނާއި އިންޖިނިއަރުން ޗައިނާއިން ގެންދަން މަސައްކަތް ކުރާތީ އެކަމާ ދެކޮޅަށް ޓައިވާނުން ހަރުކަށި ފިޔަވަޅު އަޅައިފިއެވެ. ޓައިވާނުން ވަނީ ޗައިނާގެ އެއްވެސް ކުންފުންޏަކަށް ސެމީކޮންޓަކްތަރ ނުވަތަ ސަރކިޓްގެ ދާއިރާގައި މަސައްކަތް ކުރާ އެއްވެސް ފަންނީ މީހެއް ޓައިވާންގެ ކުންފުންޏަކުން ހޯދައި ދިނުން މަނާ ކޮށްފައެވެ. އަދި މިފަދަ ކަމެއް ކޮށްފި ފަރާތެއް ބޮޑު އަދަދުން ޖުރިމާނާ ކުރާނެ ކަމަށްވެސް ވަނީ ބުނެފައެވެ.
ތައިވާންގެ ލޭބަރ މިނިސްޓްރީން ކުރި އިޢްލާންގައި ބުނެފައި ވަނީ ސެމީކޮންޑަކްޓަރ އަދި އިންޓެގްރޭޓެޑް ސަރކިޓްގެ ދާއިރާގެ ފަންނީ މީހަކު ޗައިނާއަށް ހޯދައި ދޭން އުޅެފިނަމަވެސް ޖުރިމާނާ އިތުރަށް ބޮޑު ވެގެންދާނެ ކަމަށެވެ.
ސެމީކޮންޑަކްޓަރއާއި ސަރކިޓްގެ ދާއިރާއަކީ ޓައިވާނުން ކުރީގައި އުޅޭ އެގައުމުގެ އިގްތިސާދަށް މުހިންމު ޓެކްނޮލޮޖީގެ ދެ ދާއިރާއެވެ.
މި އިޢްލާންގައި ބުނާ ގޮތުން ޗައިނާގައި މަސައްކަތް ކުރާ ޓައިވާންގެ ކުންފުނިތަކަށްވެސް މި ގަވާއިދު ތަންފީޒު ކުރެވޭނެއެވެ.
މީގެ ސަބަބުން އައިފޯންގެ ބައިތައް އުފައްދާ ފޮކްސްކޮމްގެ މަސައްކަތް އުދަނގޫވާނެ ކަމަށް ބެކެވެއެވެ. ފޮކްސްކޮމް އަކީ ޗައިނާގެ އެތައް ތަނެއްގައި އައިފޯން އެސެމްބްލް ކުރާ ބައެކެވެ، އަދި ދޭތެރޭން ޓައިވާންގެ ފަންނީ މީހުން ޗައިނާގެ ސައިޓްތަކުގައި މަސައްކަތަށް ހޯދަން، ފޮކްސްކޮމް އިންވެސް އިޢްލާން ކޮށްހަދައެވެ.
ޗައިނާއަކީ ޓައިވާނަށް މުހިންމު ޖޮބް މާކެޓެކެވެ. ޓައިވާންގައި އަލަށް ގްރެޖުއޭޓްވާ މީހުންގެ 55 އިންސައްތަ ވަޒީފާ އަދާ ކުރަނީ ޗައިނާގައެވެ.