މުސްލިމުން އަމިއްލައަށް ޖަމާއަތުގެ ޚިދުމަތުގައި ނިކުތުމުން މީހުންގެ ފުރާނަ ސަލާމަތް ކުރެވިއްޖެއެވެ. މުމްބާއީ ސަރަހައްދުގެ މުމްބަރާ ނަމަކަށް ކިޔާ އަވަށެއްގައި މިސްކިތާއި އެ ސަރަހައްދުގެ މަދަރްސާއިން ކޮރޯނާގެ ބަލި މީހުންނަށް އޮކްސިޖަން ސިލިންޑަރުތައް ހޯދައި ކޮވިޑް ސެންޓަރެއް ގާއިމް ކުރީއެވެ.
މުމްބަރާގެ އާބާދީއަކީ 1.2 މިލިއަން އެވެ. މިއިން 95 އިންސައްތައަކީ މުސްލިމުންނެވެ. މުމްބަރާގެ މިސްކިތުގައި އޮކްސިޖަން ސެންޓަރ ގާއިމް ކުރުމުގައި އިސްކޮށް ހުރި ފަރާތަކީ، މުފްތީ މުހައްމަދު އަޝްރަފްއެވެ.
ހަސްފަތާލުގައި އެނދުމަތިކޮށްފައި މީހުން ބޭއްވޭނެ ގޮތެއް ނެތުމުން ޑޮކްޓަރުން ލަފާދފައި ވަނީ މީހުން ގޭގައި ތިބުމަށެވެ. އެހެންވެ، މިސްކިތުން އިސްނަގައިގެން 20 ޑޮކްޓަރުންގެ ޓީމެއް އެކުލަވާލައި، ކޮވިޑް ސެންޓަރ ހަދައި މީހުންނަށް އޮކްސިޖަން ދޭން ފެށީއެވެ.
މުފްތީ އަޝްރަފް ކިޔައިދިން ގޮތުގައި ހިލޭ ސާބަހަށް މަސައްކަތް ކުރާ 28 މީހުންނާއެކު މިސްކިތް ކޮވިޑްސެންޓަރއަކަށް ބަދަލުކޮށްލީއެވެ.
މި ރަށުގެ މިސްކިތުން ވަނީ އައިސޮލޭޝަންގައި ތިބި މީހުންނަށް ބޭނުންވާ ކާޑުގެ ބާވަތްތައްވެސް ގެންގޮސްދޭން ފަށާފައެވެ.
