ކޮވިޑް19 ފެތުރުން ކޮންޓްރޯލް ކުރުމަށް ޕާކިސްތާނުން ހަރުކަށި ކުރި ފިޔަވަޅުތަކުގެ ތެރޭގައި އެތެރޭގެ ދަތުރުފަތުރުތައް ހުއްޓާލުން ހިމެނެއެވެ. ޕާކިސްތާނުގެ އައު ފިޔަވަޅުތަކުން ސަމާލުކަން ދީފައި ވަނީ، ފިތުރު އީދުގައި ކޮރޯނާ ފެތުރިޔަ ނުދިނުމަށެވެ.
ދާޚިލީ ވުޒާރާއިން އިޢްލާން ކުރި ކަންތައްތަކުގެ ތެރޭގައި ރިސޯޓްތަކާއި ހޮޓެލް ތަކާއި ރެސްޓޯރެންޓާއި ޝޮޕިންގ ސެންޓަރ ތަކާއި ޕާކްތަކާއި ބީޗްތަކާއި އެހެނިހެން އާންމު ތަންތަން ބަންދުކުރުން ހިމެނެއެވެ.
އިޢްލާން ކޮށްފައިވާ ގޮތުން މިތަންތަން މެއި 8ން 16ށް ބަންދު ވާނެއެވެ.
އީދު ބަންދަށް ޕާކިސްތާންގައި އާންމު ކޮށް މީހުން ދަތުރުކުރާ ގިލްގިޓް ބޯލްޓިސްޓާނާއި ސްވަޓް އަދި މުއްރީގެ ދަތުރުތައްވެސް މިފަހަރު ބަންދުވާނެއެވެ. އަދި އެއް ސަހަރުން އަނެއް ސަހަރަށް އޮންނަ ދަތުރުތައް އެއްކޮށް ބަންދުވާނެ އެވެ.
ޕާކިސްތާންގައި ކޮވިޑްގެ ވަރުގަދަ ރާޅަކަށް ތައްޔާރު ވުމުގެ ގޮތުން ސަރުކާރުން ދަނީ އޮކްސިޖަން ލިބޭ ގޮތަށް ހޮސްޕިޓަލް އެނދުތައް އިތުރުކޮށް ވެންޓިލޭޓަރުތައް ހަމަ ކުރަމުންނެވެ.
ޕާކިސްތާންގައި މި ދުވަސްކޮޅު ޕޮޒިޓވް ވާ ރޭޓް އުޅެނީ 4400އަށް ވުރެން މަތީގައެވެ. އަދި މަރުވާ ނިސްބަތް އުޅެނީ 142ގައެވެ.
