ކޮވިޑް-19 ގައި ހާލުބޮޑުވާ ބަލިމީހުންނަށް ފަރުވާ ދިނުމަށް ހާއްސަކޮށްފައިވާ ދަރުމަވަންތަ ހޮސްޕިޓަލުގެ ޑީއެޗް11 ގެ އައިސީޔޫ ފުރިފައިވާ ކަމަށް އެޗްއީއޯސީން ބުނެފި އެވެ.
ރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. މުހައްމަދު އަލީ ވިދާޅުވީ ދަރުމަވަންތަ އައިސީޔޫގައި މިވަގުތު 9 މީހަކު އެޓްމިޓް ކޮށްފައިވާ ކަމަށާއި އޭގެ ތެރެއިން 6 މީހަކު ވެންޓިލޭޓަރުގައި ވާ ކަމަށެވެ. އަދި 3 މީހުންގެ ހާލު ވަރަށް ސީރިއަސް ކަމަށް އޭނާ ވިދާޅުވިއެވެ.
އޭގެ އިތުރުން ވެންޓިލޭޓަރަށް ނުލާ ބަލި މީހެއްގެ ގޮތުގައި މާބަނޑު މީހެއް ވެސް އެބަ އޮތް ކަމަށް ޑރ. މުހައްމަދު އަލީ ވިދާޅުވިއެވެ. އެއީ މިހާތަނަށް ފެނިފައިނުވާ ވަރަށް ބަލި ހާލަތު ސީރިއަސް ވެފައިވާ ބަލި މީހެއް ކަމަށް އޭނާ ވިދާޅުވިއެވެ.
ނޫސްވެރިންގެ ބައްދަލުވުމުގައި ވާހަކަ ދައްކަވަމުން ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒު ވަނީ ކޮވިޑް-19 އަށް ޕޮޒިޓިވްވި މީހުންގެ ތެރެއިން ހޮސްޕިޓަލްގައި ފަރުވާ ދޭން ޖެހޭ މީހުންގެ އަދަދު އިތުރުވެ ދަރުމަވަންތަ ހޮސްޕިޓަލްގެ އައިސީޔޫ ގާތްގަނޑަކަށް ފުރިފައިވާ ކަމަށް ވިދާޅުވެފައެވެ.
މުޅި ގައުމުގައި ޖުމުލަ ކިތައް ވެންޓިލޭޓަރު ތޯ؟ ރަށްރަށުގައި ކިތައް ވެންޓިލޭޓަރު ތޯ؟ އޮކްސިޖަން ގުޅާފައިވާ ބެޑްތަކެއް އިމަޖެންސީއަށް ޓަކައި ތައްޔާރު ކޮށްފައި ވޭތޯ؟ ކުރިން މިލިއަނުން ޚަރަދު ކޯށްގެން އަލީ ވަހީދު ޒަމާނުގައި ހެދި ފޭދުފިނޮޅާއި ތަންތަނުގެ ހާލަކީ ކޮބައި ތޯ؟ ފައިސާ ދެއްކި ވެންޓިލޭޓަރުތަކުން ލިބުނީ ކިތައް އެތި ތޯ؟ އެތަކެއްޗަކީ މިންގަނޑަށް ފެތޭ އެއްޗެއް ތޯ އިތުރު ވެންޓިލޭޓަރު ތަކެއް ގެނައުމަށް މަސައްކަތް އެބަ ކުރައްވަން ތޯ؟