ރޯދަ ސުފުރާ: ޗިކަން ޗީޒް ވީލް

ބޭނުންވާ ތަކެތި

1 މޭޒުމަތީ ސަމުސާ ތެޔޮ

1 މޭޒުމަތީ ސަމުސާ ލޮނުމެދު (ގާނާފައި)

½ ޖޯޑު ކެޕްސިކަން (ކޮށާފައި)

1 ބޮޑު ޕާން

ރަހަލާވަރަށް ލޮނު

1 މޭޒުމަތީ ސަމުސާ ޗިލީ ސޯސް

1 މޭޒުމަތީ ސަމުސާ މުގުރި މިރުސް

1 ސައި ސަމުސާ ސޯޔާ ސޯސް

1 މޭޒުމަތީ ސަމުސާ ވިނިގާ

1 ސައި ސަމުސާ ހިކިމިރުސް (ރާޅުކޮށް މުގުރާފައި)

1 ޖޯޑު ބޯންލެސް ޗިކަން (ފެނުގައި ކައްކާ ރޯފިލުވާފައި)

2 މޭޒުމަތީ ސަމުސާ ލީކްސް (ކޮށާފައި)

1 ޖޯޑު ފާރޮށި ކުނޑި

1 މޭޒުމަތީ ސަމުސާ ކްރީމް

3 މޭޒުމަތީ ސަމުސާ ޗީޒް (ގާނާފައި)

4 ބިސް

ތެޔޮ (ތެއްލަން)

ތައްޔާރުކުރާނެ ގޮތް

ތެއްޔެއް އުނދުންމައްޗަށް އުދުމަށްފަހު އެއަށް ތެޔޮފޮދެއް އަޅާށެވެ. ތެޔޮ ފޮދު ހޫނު ވުމުން ގޭނި ލޮނުމެދުކޮޅު އަޅާށެވެ. އެއަށްފަހު ކޮށި ފިޔާކޮޅުވެސް އަޅާލާށެވެ. އެއަށްފަހު ލޮނުލުމަށްފަހު ކޮށި މިރުސްކޮޅު އަޅާލާށެވެ. ދެން 1 މިނެޓެއްހާއިރު ކައްކާލުމަށްފަހު ޓޮމާޓޯ ސޯސް އާއި ޗިލީ ސޯސް އަޅާށެވެ. އެއަށްފަހު މުގުރި މިރުހާއި ސޯޔާ ސޯވެސް އަޅާށެވެ. ދެން ރާޅުކޮށް މުގުރި މިރުސްކޮޅާއި ވިނިގާވެސް އަޅާށެވެ. އެއަށްފަހު ކައްކާފާ ހުރި ކުކުޅު އަތުން ވިދާ ގޮތައް ކުދިކޮށްފައި އަޅާލާށޭވެ. އެއަށްފަހު ލީކްސް ކޮޅު އަޅާ މަޑުގިނިމަތީގައި ހަނާކޮށްލާށެވެ. ދެން މަސްކޮޅު ހިހޫކުރަން ބަހައްޓާށެވެ.

ދެން ޕާންފޮތި ތަކުގެ ވަށާ ކައިރި ކަފާލުމަށްފަހު ވައްކޮށް ކަފާލާށެވެ. ސްޓެނެސްޓީލް ތައްޓަކުން ނޫނީ ދަޅަކުންވެސް ކަފާލެވިދާނެއެވެ. ދެން ހިހޫކުރި ކުކުޅުމަސްގަނޑަށް ޗީޒާއި ކުރީމް އަޅާ އެއްކޮށްލާށޭވެ. އެއަށްފަހު ވައްކޮށް ކެފި ޕާން ފޮތި ވަށާ ކައިރި ފެން ފޮދަކުން ތެއްމާލުމަށްފަހު މެދަށް މަސްކޮޅެއް އަޅާށެވެ. އެއަށްފަހު އަނެއްޕާން ފޮތިވެސް ވަށާ ކައިރި ތެއްމާލުމަށްފަހު މަސްކޮޅު އެޅި ޕާންފޮތި މަތީ ބާއްވާ ދެއަތުން ފިއްތާލާ ކައިރިފަށް ބައްދާލާށެވެ. ރަނގަޅަށް ވަށާކައިރި ތަތްކޮށްލަންވާނެއެވެ. ދެން ބިސް ގިރުމަށްފަހު ބިހަށްލާ ފޯކޮށްލުމަށްފަހު ނަގާ ފާރޮށި ކުނޑި އުގުޅާށެވެ. ދެން ބޮޑު ތެޔޮގަނަޑެއްގައި ތައްޔާރުކުރި ވީލް ތައް ތެއްލާލާށެވެ.