ރާއްޖޭއިން އިތުރު މީހަކު ކޮވިޑް-19 ގައި މަރުވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ މީހަކު ރޭ 10:44 ހާއިރު މަރުވެފައިވާކަމަށެވެ.
މަރުވީ އުމުރުން 93 އަހަރުގެ ދިވެހި އަންހެނެއް ކަމަށް އެޗްޕީއޭއިން ބުނެއެވެ.
މިއީ މިމަހު މިހާތަނަށް ކޮވިޑްގައި މަރުވި 42 ވަނަ މީހާ އެވެ. މިހާތަނަށް ރާއްޖެއިން 116 މީހުން މިބަލީގައި މަރުވެފަ ވެއެވެ.
