ކޮވިޑް19ގެ ކޮންޓްރޯލް މިހާރު ވަނީ އަތުން ގެއްލިފައި ކަމަށް ޑރ. މުޙައްމަދު ޢަލީ ވިދާޅުވެއްޖެއެވެ.
ޑރ. ވިދާޅުވީ މިކަން ވަރަށް އަވަހަށް ދިވެހިން ޤަބޫލު ކުރާނެކަމަށާއި، ބަލި ކޮންޓްރޯލު ކުރުމުގެ ބަދަލުގައި މިހާރު ފެންނަނީ އެއްބަޔަކު އަނެއްބައެއްގެ ބޮލުގައި ތުހުމަތުތައް އަޅުވަމުންދާ މަންޒަރުތައްކަމަށެވެ. "ކޮވިޑް19 ކޮންޓްރޯލް ކުރެވޭނީ ބަލީގެ ކޮންޓްރޯލް އަތުން ދޫވެއްޖެކަން އަމިއްލައަށް ޤަބޫލުކުރެވިގެން،" އޭނާ ވިދާޅުވެފައިވެއެވެ.
ޑރ. ވިދާޅުވީ ވޭތުވެދިޔަ ދުވަސްތަކުގައިވެސް ކޮވިޑް ކޮންޓްރޯލު ކުރުމަށް މަސައްކަތްކުރީ އެއްބައެއް ކަމަށާއި ކުރިއަށްވުރެބޮޑަށް މިހާރު އެކަމަށް ފަރިތަވާން ވާނެކަމަށެވެ. އެހެންކަމުން މިހާރުވެސް ގުޅިގެން ރަނގަޅުގޮތުގައި މަސައްކަތް ކޮށްފިނަމަ اللهގެ އިރާދަފުޅާއެކީ މިކަން ކާމިޔާބު ކުރެވޭނެކަމަށް ވެސް ވިދާޅުވިއެވެ. ނަމަވެސް ކޮވިޑް ފެތުރޭ ނިސްބަތް ކޮންޓްރޯލު ނުވާނަމަ މި ބަލި ކޮންޓްރޯލް ކުރުމަށް ސިއްޙީ ހިދުމަތްތެރިން ކުރާ މަސައްކަތް ފެންނަ މިންވަރު ކުޑަވެގެން ދާނެ ކަމަށްވެސް ޑރ. މުޙައްމަދު ޢަލީ ވިދާޅުވިއެވެ.
ރާއްޖޭގައި ކޮވިޑްގެ ޙާލަތު ގޯސްވެގެންދާ މި ދަނޑިވަޅުގައި ބަލި ފެތުރުން ހުއްޓުވުމަށް ސަރުކާރުގެ ކަމާބެހޭ ފަރާތްތަކުން އެކަށިގެންވާ މަސައްކަތެއް ނުކުރާކަމުގެ ޝަކުވާތައް ގިން ރައްޔިތުންތަކެއްދަނީ ކުރަމުންނެވެ. ރާއްޖޭގެ ގިނަ ރަށްރަށުން މި ބައްޔަށް ފައްސިވާމީހުން ދަނީ ވަރަށް ބޮޑަށް އިތުރުވަމުންކަން މިފުރުޞަތުގައި ފާހަގަ ކޮށްލަމެވެ. މި ބަލިން ރައްކާތެރިވުމަށްޓަކައި ވެކްސިން ޖެހި މީހުންގެ އަދަދުވެސް މިހާރުމިވަނީ ވަރަށް ބޮޑަށް އިތުރުވެފައެވެ. އެގޮތުން ފުރަތަމަ ޑޯޒް ޖެހި މީހުންގެ އަދަދު ތިންލައްކަ ފަސްހާސް އަށްސަތޭކަ ފަންސާސް މީހުން އެބަތިއްބެވެ. އަދި ދެވަނަ ޑޯޒް ޖަހާފައިވާ އެއްލައްކަ ފަންސާސް ހަހާސް ދެ މީހުން ތިބިކަމަށް އެޗްޕީއޭގެ ހިސާބުތަކުން ދައްކައެވެ.
