ކަރުނަ މާޒީގެތެރޭ އޮހޮރި ވަނީ ލޯ ހިކިފައި
ދަރުމަ ތިޔަ އެދުނު ހިތާ ވަކިވެ ޒަމާން ފަސްދީފައި
ޝަރަފުގައި ތިރިވި ވިލާތަކުގެ ފެނުގެ ތާސީރާ
ފަރިވި އުލްފަތުގެ މަލާ އޭގެ އަސަރު ފޮހެދީފައި
ކަރުނަ މާޒީގެތެރޭ އޮހޮރި ވަނީ ލޯ ހިކިފައި
ގަރުބަ ގިނަ އުފެދި ހިތުން އޭގެ އަނގުރުގައި އަނދަމުން
ބަރުވި މިލިޔަނުގެ ހިތާމައިގެ ޒަހަރު ދޮވެ ދީފައި
ކަރުނަ މާޒީގެތެރޭ އޮހޮރި ވަނީ ލޯ ހިކިފައި
ހިއްސުގައި ރޯވެ އަނދައި ނާރުތަކުން ހުޅުފަޅަމުން
ފިއްސަމުން ދިޔަ އަލިފާން ރުއްސުމުގައި މަރުދީފައި
ކަރުނަ މާޒީގެތެރޭ އޮހޮރި ވަނީ ލޯ ހިކިފައި
ޢިޝްޤް މިސްކީނުވެފައި ކަރުނަ ޔަތީމުވި ދުހުގައި
ވިސްނި ހާލާ މެދުގައި ޖާނު އެކީ ހިބަދީފައި
ކަރުނަ މާޒީގެތެރޭ އޮހޮރި ވަނީ ލޯ ހިކިފައި
ކޮން އަގެއްބާ ކަރުނުގެ ހުންނަހުށީ ހުރުމަތުގައި
ކޮން މަގާމެއް ލިބުނީ؟ ލޭކަރުނުން ފެންދީފައި
ކަރުނަ މާޒީގެތެރޭ އޮހޮރި ވަނީ ލޯ ހިކިފައި
