އިންޑިއާގެ ޓްރެވެލް އެޖެންޓުންގެ ޖަމުއިއްޔާއިން، ފަތުރުވެރިކަމުގެ ދާއިރާގައި މަސައްކަތް ކުރާ މީހުންނަށް ސަރުކާރުން އެހީތެރިވުމަށް އެދި ބޮޑު ވަޒީރަށް ސިޓީއެއް ފޮނުވައިފިއެވެ. މި ސިޓީގއި މި ފަރާތްތަކުން އެދިފައިވަނީ ކޮވިޑްގެ ފުރަބަންދާއި ދަތުރުފަތުރު ހުއްޓުމާ ގުޅިގެން މި ސިނާއަތުގެ މީހުންނަށް އަސަރުކޮށްފައިވާތީ މުވައްޒަފުންނަށް، ހާލަތު ރަނގަޅު ވަންދެން އެއް އަހަރު ދުވަހަށް މަހަކަށް ދިހަ ހާސް ރުޕީސް ދިނުމަށެވެ. އަދި މިފައިސާ އަނބުރާ ސައްކާނީ އިންޓަރެސްޓެއް ނެތް ގޮތަށް 24 މަހުން ކަމަށްވެސް ބުނެފައި ވެއެވެ.
މިދިޔަ 14 މަސް ތެރޭގައި ފަތުރުވެރިކަމުގެ ދާއިރާއަށް ގެއްލުން ވެފައިވާތީ އިންވެސްޓަރުންނަށްވެސް 5 އަހަރު ދުވަހުގެ މުއްދަތަށް ލޯން ދިނުމަށް ވެސް ހުށްހަޅާފައި ވެއެވެ.
މީގެ އިތުރުން ފަތުރުވެރިކަމުގެ ދާއިރާގެ މަސައްކަތްތައް ރެގިއުލޭޓް ކުރުމަށް އިދާރާއެއް ގާއިން ކުރުމަށްވެސް އެދިފައި ވެއެވެ.
