އިންޑިއާގައި 45 ދުވަސް ތެރޭ އެންމެ މަދުން ކޮވިޑް19 އަށް ފައްސިވުން ރިޕޯޓްކޮށްފައި ވަނީ ހޮނިހިރު ދުވަހުއެވެ. ހޮނިހރު ދުވަހު އިއްލާން ކޮށްފައިވާ ގޮތުގައި ނިމިދިޔަ 24 ގަޑިއިރުގެ ތެރޭގައި ފައްސިވެފައިވަނީ 1,73,790 މީހުންނެވެ.
ދުވާލެއްގެ މައްޗަށް ޕޮޒިޓިވްވާ ނިސްބަތް 8.36 އަށް ދަށްވެފައި ވެއެވެ. ހެލްތު މިނިސްޓްރީން ބުނާ ގޮތުން ޖައްސަޖައްސައިގެން ފަސް ދުވަސްވަންދެން ފައްސިވާ ރޭޓް 10 ޕަސެންޓަށް ދަށްކޮށް ހިފެހެއްޓިފައި ވެއެވެ.
އިންޑިއާއިން ދުވާލެއްގެ މައްޗަށް އެވަރެޖްކޮށް މަރުވާ އަދަދު ރަސްމީކޮށް އިޢްލާން ކޮށްފައިވަނީ 3617 މީހުން ކަމަށެވެ. އިންޑިއާއިން ބުނާ ގޮތުން މަރުވެފައިވާ މީހުންގެ 70 އިންސައްތަ މަރުވެފައިވަނީ، ކޮވިޑާއެކު އެހެން ބަލިތައްވެސް ހުރުމުންނެވެ.
އިންޑިއާއިން ހުކުރު ދުވަހުވެސް ދެ މިލިއަން ޓެސްޓް ހެދިކަމަށް ބުނެފައި ވެއެވެ.
