އިންޑިއާގެ ކޮވިޑް19ގެ ދެވަނަ ރާޅާއެކު، އެމެރިކާއިން ފާޅު ކުރި ހަމްދަރްދީއާއި އެހީތެރިކަމަށްޓަކައި އިންޑިއާގެ އެކްސްޓާނަލް އެފެއާޒް މިނިސްޓަރ އެސް ޖަޔަޝަންކަރު އެމެރިކާއަށް ޝުކުރު އަދާ ކުރައްވައިފިއެވެ. ޖަޔަޝަންކަރު ވަނީ އެމެރިކާގެ ޚާރިޖީ ވަޒީރު އެންތޮލީ ބްލިންކިންއާއެކުވެސް މަޝްވަރާތައް ބާއްވަވާފައެވެ.
ބްލިންކިން ވިދާޅުވިގޮތުގައި ދެބޭފުޅުން މަޝްވަރާ ކުރެއްވި ކަންތައްތަކުގެ ތެރޭގައި ކޮވިޑް19އާއި އިންޑިއާ ޗައިނާ ބޯޑަރާއި އަފްޣާނިސްތާންގެ ސުލްޙައިގެ މަޝްވަރާތައް ހިމެނެއެވެ.
ޖަޔަޝަންކަރުގެ މިދަތުރުފުޅަކީ، ޖޯބައިޑެންގެ ސަރުކާރުގައި އިންޑިއާގެ ވަޒީރަކު ވޮޝިންޓަނަށް ވަޑައިގަތް ފުރތަމަ ދަތުރުފުޅެވެ.
ދެބޭފުޅުން ވަނީ ސަލާމަތީ ކަންތައްތަކާއި އިގްތިސާދީ ތަރައްގީއާ ބެހޭ މަޝްވަރާތައްވެސް ބާއްވަވާފައެވެ.
ނޫސްކޮންފަރެންސެއްގައި ވާހަކަ ދައްކަވަމުން ޖަޔަޝަންކަރު ވިދާޅުވީ އިންޑިއާގެ ވެކްސިން އުފެއްދުމުގެ މައްސަކަތަށް އެމެރިކާއާކީ ލާމަސީލު ބައިވެރިއެއް ކަމަށެވެ. އޭނާގެ މިދަތުރުފުޅަކީވެސް ކޮވިޑް19އާ ގުޅޭ ގޮތުން ގުޅުން ބަދަހިކޮށް ޚިޔާލު އެއްގޮތް ކޮށްލުމުގެ ދަތުރެކެވެ.
ދެބޭފުޅުންގެ މަޝްވަރާގައި ކުއޯޑްއާއި އިންޑޯ ޕެސިފިކްއާއި މިޔަންމާރ އަދި ސަލާމަތީ މަޖިލީހުގެ މަސައްކަތާ ބެހޭ މަޝްވަރާތައްވެސް ކުރެވިގެން ދިޔައެވެ.
ޖަޔަޝަންކަރު ވިދާޅުވިގޮތުގައި ރަޝިޔާއިން އިންޑިއާއިން ގަތުމަށް މަސައްކަތް ކުރާ ރޮކެތްގެ ދިފާއީ ނިޒާމު އެސް400 އާ ބެހޭ ގޮތުން މި ބައްދަލުވުމުގައި ވާހަކައެއް ނުދެކެވެއެވެ.
