އީރާންގައި ދިރިއުޅޭ ޗައިނާ ރައްޔިތަކު އީރާން އަންހެން ކުދިންނާ ބެހިފައިވާ ކަމަށް ބުނެ މީސްމީޑިއާގައި ކަރާފެޅުމުން ފުލުހުން އޭނާގެ މައްސަލަ ބަލަން ފަށައިފިއެވެ. އީރާންގެ ފުލުހުންގެ އިންފޮމޭޝަން އޮފިސަރ އަޙުމަދު ޚުސްރަވީ ވިދާޅުވޮގޮތުގައި މީސްމީޑިއާއަށް ޗައިނާ މީހާ ލާފައިވާ ވީޑިއޯގެ އަސްލު ބެލުމަށް މިހާރު ތަހްގީގު ފަށާފައިވާ ކަމަށެވެ.
ޗައިނާ މީހާ ދިރިއުޅެނީ އީރާންގެ ކޮން ސިޓީއެއްގައި ކަން އޭނާ ވިދާޅެއް ނުވެއެވެ. ނަމަވެސް ޚާއްސަ މާހިރުންގެ ޓީމަކުން މިކަން ބަލަމުން އަންނަ ކަމަށް ވިދާޅުވިއެވެ.
ޗައިނާ މީހާ ބުނެފައި ވަނީ، އީރާންގައި ފަންސާހެއްހާ ޑޮލަރަށް ބޭނުން ގޮތެއް ހަދަން ޒުވާން އަންހެން ކުދިން ލިބޭ ކަމަށެވެ.
އީރާންގައި ކައިވެނީގެ ބޭރުން އަންހެނުންނާއި ފިރިހެނުން ގުޅުން ބޭއްވުމަކީ މަނާ ކަމެކެވެ. އަދި ޒިނޭގެ އަމަލުތަކަށް ބެލުމެއް ނެތި ރަޖަމް ކުރުމުމުގެ ސަޒާ އިއްވައި ތަންފީޒު ކުރެއެވެ. ގިނަފަހަރަށް މިކަން ތަންފީޒު ކުރަނީ ޖަމާއަތުގެ އަފްރާދުން އަމިއްލައަށް ވަޅެއް ކޮނެ، މީހާ މަތިހަށްޓާ ހަމައަށް ވަޅުލައިގެން އޮށްގަލުން ތަޅައިގެންނެވެ.
މި މީހާ ވަނީ، ފަހުން އެހެން ވީޑިއޯ ކްލިޕެއްގައި އޭނާ ވީޑިއޯތައް ޑިލީޓް ކޯށްފިކަމަށް ބުނެ، ކުރިން ދައްކާފައިވާ ވާހަކައަށް މައާފަށް އެދިފައެވެ.
އީރާނާ ދެކޮޅަށް ހުޅަނގުން އަޅާފައިވާ ދަތިކުރުމުގެ ފިޔަވަޅުގައި ޗައިނާއަކީ އީރާންގެ މި ވަގުތުގެ މަދަދްގާރެވެ. ނަމަވެސް ޗައިނާއާ ގާތް ވުމުން ރައްޔިތުންގެ ތެރޭން ބަޔަކު ނުރުހުން ފާޅުކޮށް، ހެޔޮ އަގުގައި ސަރުކާރުން ގައުމު ޗައިނާއަށް ވިއްކާލަނީ ކަމަށް ބުނެއެވެ.
އީރާނުން ދަނީ ރިއާސީ އިންތިޚާބަށް ތައްޔާރު ވަމުންނެވެ. ލަފާ ކުރެވޭ ގޮތުގައި މިފަހަރު އިންތިޚާބު ކާމިޔާބު ކުރާނީ ހަރުކަށި ފިލކުރުގެ މީހުންނެވެ. ކުރީގެ ރައީސް އަހްމަދީ ނިޖާދް މިއަދުވެސް ކެމްޕޭން ކުރައްވަމުން ސަރުކާރަށް ފާޑު ވިދާޅުވިއެވެ. އޭނާ ވިދާޅުވީ ސުލައިމާނީ މައްސަލާގައި އާއި ސޫރިޔާ މައްސަލާގައި އީރާންގެ އިންޓެލޖެންސް ފެއިލްވެފައިވާ ކަމަށެވެ.
