ޗައިނާއިން މިއަދު އިޢްލާން ކޮށްފައި ވަނީ ކޮންމެ ދެމަފިރިއަކަށް ތިން ކުދިން ހޯދުމަށެވެ. ކޮމިއުނިސްޓް ޗައިނާ ގާއިން ކުރުމާއި ކާބޯތަކެތީގެ ދަތިކަމާއި ބަނޑަށް ޖެހުމުގެ ސަބަބުން ޗައިނާއިން ގެން ގުޅެމުން އައީ ދެމަފިރިއަކަށް ކުއްޖެއް ހޯދުމުގެ ސިޔާސަތެކެވެ. އިތުރަށް ކުދިން ހޯދާ މީހުންނަށް އަދަދު ދެވި، އިތުރު ކުއްޖާއަށް ސަރުކާރުން ސަބްސިޑީއެއް ނޯންނާނެއެވެ.
ޗައިނާގެ ބޯހިމެނުމާއި، ކޮމިނިސްޓް ނިޒާމަށް ސަތޭކަ އަހަރުވާއިރު، ޗައިނާއަށް އިޙުސާސް ކުރެވުނީ، އާބާދީގެ މިހާރު މިއޮތް ނިސްބަތުން ސިފައިންގެ ތެރޭގައި ޚިދުމަތް ކުރާނެ އަދަދަށް މީހުން ނުލިބޭނެ ކަމަށެވެ.
2020ގެ ބޯހިމެނުމުން ދައްކަނީ ކޮންމެ އަންހެނަކަށް ދަރިމައިވާ ނިސްބަތަކީ، މީހަކަށް 1.3 ކުދިން ކަމަށެވެ. މިވަރުން އާބާދީގައި ހަމަޖެހުމެއް ނު ގެންގުޅެވޭނެ ކަމަށް ބެއިޖިންގއަށް އިހުސާސް ކުރެވެއެވެ.
ޗައިނާ ސިފައިންގެ ތެރެއަށް މީހުން ވެއްދުމުގެ ޝަރުތުވއެސް ވަނީ މިހާރު ދަށްކޮށްފައި ކަމަށް ސައުތު ޗައިނާ މޯނިންގ ޕޯސްޓުން ބުނެއެވެ. ސިފައިނގެ ޚިދުމަތަށް ބޭނުންވާ ގިނަ މީހުންގެ އިސްކޮޅާއި ލޮލުގެ ފެނުމާއި ތަޢްލީމީ ފެންވަރުވެސް ވަނީ ދަށްކޮށްފައެވެ.
ޗައިނާ ސިފައިންގެ ތެރެއަށް ވައްދަމުން ދިޔަ 5 ފޫޓް 4 އިންޗި، 162 ސެންޓިމީޓަރުގެ ސައިޒް މިހާރު ވަނީ 160 ސެންޓިމީޓަރަށް ދަށް ކޮށްފައެވެ. އަންހެނުންވެސް 160 ސެންޓިމީޓަރުން 158 ސެންޓިމީޓަރަށް ދަށްކޮށްފައި ވެއެވެ. އަދި ކުރިން ބަރުދަން އިތުރު ކުދިން ނުނެގިކަމުޖަގއި ވިއަސް މިހާރު އެއަށްވެސް ލުޔެއް ދީފައި ވެއެވެ.
ދުނިޔޭގެ އެންމެ ބޮޑު ލަޝްކަރަށް ކޮންމެ އަހަރަކު އައު އެތައް ހާސް ރެކްރޫޓުން ބޭނުން ވެއެވެ.
1949ގެ ފަހުން އެންމެ ގިނައިން ސިފައިންގެ ތެރެއަށް ޗައިނާއިން މީހުން ވެއްދީ 2009 ގައެވެ. އެއިރު އެއްލައްކަ ވިހިހާސް މީހުން ވައްދާފައި ވެއެވެ.
