ސްރީލަންކާގެ ބޭރު ބަނދަރުގައި އޮތްވައި އަނދައި ދިޔަ އެމްވީ އެކްސްޕްރެސް ޕަރލްގެ މައްސަލަ އަކީ ޖިނާއީ މައްސަލައެއްކަމަށް ބަލައި ސްރީލަންކާއިން ތަހްގީގު ކުރަން ފަށައިފިއެވެ. ކޮޅުނބުން ބުނެފައި ވަނީ 11 ދުވަސް ވަންދެން އަނދަމުން ދިޔަ މި އާގުބޯޓްގެ ވެރިފަރާތްކަމުގައިވާ ސިންގަޕޯރ ކުންފުންޏަށް ބަދަލު ހޯދުމަށް ދައުވާ ކުރާނެ ކަމަށެވެ.
މި އާގުބޯޓު އަނދައިގެން ދިއުމުން، ސްރީލަންކާގެ ތާރީޚްގައި ދިމާވި އެންމެ ނުރައްކާތެރި އެންމެ ބޮޑު ކަނޑުގެ ތިމާވެށީގެ ހާދިސާ ވަނީ ކުރިމަތި ވެފައެވެ.
މިއާގުބޯޓަކީ އިންޑިއާގެ ގުޖުރާތުން 25 ޓަނުގެ ނައިޓްރިކް އެސިޑް އަދި ގިނަ އަދަދަކަށް ޕްލާސްޓިކް ރޯމެޓީރިއަލް ހިފައިގެން ދަތުރު ކުރި ބޯޓެކެވެ.
މި ބޯޓްގައި ރޫވި އަލިފާން ގަނޑު ނިންވާލުމަށް ފުރަތަމަ މަސައްކަތް ކުރީ ފަޅުވެރިންނެވެ. އެއިރު އެމީހުން ސްރީލަންކާގެ މަސްއޫލު ފަރާތަށް އެކަން ނާންގައެވެ.
މިހާރު ފަޅުވެރިން ތިބީ ކަރަންޓީން ގައެވެ. މިމީހުންނާ މިއަދު ނުވަތަ މާދަމާ ތަހުގީގަށް ސުއާލު ކުރުމަށް ހުއްދަ ދޭނެ ކަމަށް ސްރީލަންކާގެ ޕަބްލިކު ހެލްތުން ބުނެއެވެ.
އެގާރަ ދުވަސްފަހުންވެސް ބޯޓްގެ އަލިފާން ގަނޑު ކޮންޓްރޯލް ކުރެވިފައެއް ނުވެއެވެ. ބޯތުގައި ގހުރި މުދާތައް ވަނީ އަނދައިގެން ވިރިގެން ކަނޑަށް ފައިބާފައެވެ. ބައެއް ޕްލާސްޓިކް ދަގުއި ވަނީ ނިގަމްބޯގެ އައްސޭރިފަށަށް ލައްގާފައެވެ. ކަނޑިގެ ވެށިވެސް ވަނީ މިއިން ތަޣައްޔަރުވެފައެވެ. 4500 މީހުންގެ ކާނާއާއި އާމްދަނީއަށް ބުރޫ އަރފައިވާ ކަމަށް ސްރީލަންކާގެ ފިޝަރީޒް މިނިސްޓަރު ވިދާޅުވެއެވެ.
މި ބޯޓްގެ އަލިފާން ނިއްވުމުގެ މަސައްކަތުގައި އިންޑިއާގެ ކޯސްޓްގާޑާއި ސްރީލަންކާގެ ނޭވީން ހަރަލާތްތެރި ވެއެވެ. އަދި މިކަމުގައި އިސްކޮށް އުޅެނީ މިފަދަ އާގުބޯޓްތައް ސަލާމަތް ކުރުމަށް މަސައްކަތް ކުރާ އިންޓަރނޭޝަނަލް ކުންފުންޏެއް ކަމަށްވާ އެސްއެމްއައިޓީއެވެ.
