ނިއުސް މޭކަރއަކަށް މިއަދު ވެފައި އޮތީ، އެކުވެރި އަރަބި އިމާރާތް ޔޫއޭއީ އިން އިޒްރޭލަލށް ކަނޑައަޅާފައިވާ ސަފީރު މުޙައްމަދު އާލްޚާޖާއެވެ. އާލްޚާޖާ މެދުއިރުމަތީގެ ނޫސްތަކުގއި މައިގަނޑު އައިޓަމަކަށް ވެފައި ވަނީ އިޒްރޭލުގެ އިސް ހާޚާމަކާ ބައްދަލު ކުރައްވައި އޭނާ ދެއްކެވި ވާހަކަތަކުންނެވެ.
އޭނާގެ ތަޖުރިބާ މަދުކަމުން ކަމަމެއް ނުވަތަ ޑިޕްލޮމެޓިކް އާދަކާދަޔާ ޚިލާފަށް އާތިފީ ޝުއޫރެއް އޭނާ ފާޅު ކުރެއްވީކަމެއް ސާފެއް ނުވެއެވެ. ނަމަވެސް އާލްޚާޖާއަކީ އިޒްރޭލަށް ފައިބައި ވަޑައިގެންނެވި ހިސާބުން ފެށިގެން ނިއުސް މޭކަރ އެކެވެ.
އޭނާ ވިދާޅުވަނީ އިޒްރޭލުގައި އުޅުއްވާއިރު އޭނާއަށް އިޙުސާސް ކުރެވެނީ އަމިއްލަ ރަށުގައި އުޅުއްވާ ހެންނެވެ.
އެހެންވެސް، ޔަހޫދީންނަކީ އަރަބިންގެ ދެބޭންގެ ދެދަރި މީހުންނެވެ.
މުހައްމަދު އާލްޚާޖާ ވަނީ ޔަހޫދީ ޝާސް ޖަމާއަތުގެ އިސް ހާޚާމް ޝޮލޯމޯ ކޯހިންއާ، އިޒްރޭލުން އިސްތިއުމާރުކޮށްފައިވާ ޤުދުސްގައި ބައްދަލު ކުރައްވާފައެވެ. މި ބައްދަލު ކުރެއްވުމުގައި އާލްޚާޖާ ވަނީ އަރަބި ބަހުންނާއި އިނގިރޭސިން ވާހަކަ ދައްކަވަމުން، އލްޖަޒީރާއަށާއި އިސްލާމިކް ބްރަދްހޫޑް، އިޚްވާނުލްމުސްލިމޫން ޖަމާއަތަށް ފާޑު ވިދާޅުވެފައެވެ.
އިޒްރޭލް ޓީވީން ވަނީ މި ބައްދަލުވުމުގެ ބައެއް ތަންތަންކޮޅު ދުރަށް ދައްކާފައެވެ.
އޭނާގެ ވާހަކަތަކުން އޭނާ އިޒްރޭލަށް ވަޑައިގަތް އިރު އެތާގެ ތާރީޚް ދިރާކުރައްވާފައި ނުވާކަމާއި އެތަނަށް އޭނާ ހޭލުންތެރިކޮށްފައި ނުވާކަން ހާމަވެއެވެ.
"އަޅުގަނޑު މިތަނަށް އައިސް މީހުން އުޅޭ ގޮތް ފެނިގެން ހަމަ ހައިރާއިންވި. ހިތް ހެޔޮ މީހުންތަކެއް. ތެލްއަވީވްގެ މެދުތެރޭގައި މިސްކިތެއް ހުންނާނެ ކަމަކަށް ގަބޫލެއްވެސް ނުކުރެވުނު."
"ހިތާމައަކީ، ބައެއް ޓީވީ ޗެނަލް ތަކުން އަލްޖަޒީރާއާއި އިޚްވާނުލްމުސްލިމޫން މީހުން، ދުނިޔެއަށް ދައްކަން ބޭނުންވަނީ އަޅުގަނޑުމެންގެ މި ސަރަހައްދުގެ އެހެން މަންޒަރެއް."
އިޒްރޭކލްގެ ކާން ޓީވީން ބުނިގޮތުގައި ހާޚާން ކޯހީންއާއި އާލްޚާޖާ މަސްޖިދުލްއަގްސާގެ ހަމަނުޖެހުމާ ބެހޭ ގޮތުންވެސް ވާހަކަ ދެއްކެވިއެވެ.
އާލްޚާޖާ ވަނީ ކޯހިންއަށް އިމާރާތަށް ވަޑައިގަތުމަށްވެސް ދައުވަތު އަރުވާފައެވެ. އަދި އޭނާއަށް ބަރަކާތް ލެއްވުމަށްވެސް ހާޚާމް އަރިހުން އެދިވަޑައިގަތެވެ.
އާލްޚާޖާ އިޒްރޭލަށް ކަނދައަޅާ އިމާރާތުގެ އެމްބެސެޑަރުގެ ހައިސިއްޔަތުން މަގާމުގެ ފަތްކޮޅު އެރުވީ މާޗް ކުރީކޮޅުގައެވެ.
ޝާސް ޖަމާއަތަކީ ކަނާތުފިޔައިގެ ދީނީ ޖަމާއަތެކެވެ. މިޖަމާއަތުން ވަނީ ކުރީގެ ސަރުކާރުތަކުގައި ވަޒީރުކަންވެސް ކޮށްފައެވެ.
ޔޫއޭއީއާއި އިޒްރޭލުން ގުޅުން ގާއިމް ކުރީ ސެޕްޓެމްބަރު 2020ގައެވެ.
އަރަބި ބްރަދަރުންގެ 22 ގައުމުގެ ތެރޭން ހަ ގައުމަކުން ވަނީ އިޒްރޭލާ ގުޅުން ގާއިމް ކޮށްފައެވެ. އެއީ މިސްރާއި އުރުދުންއާއި މަޣްރިބްއާއި ސޫދާނާއި އިމާރާތް އަދި ބަހުރައިން އެވެ.
