ވޫހާން އިންސްޓިއުޓް އޮފް ވައިރޮލޮޖީ އިން ސިވިލިއަން މަސައްކަތުގައި ހަރަކާތްތެރިވަމުން ދިޔައިރު، އަސްކަރީ ކަންކަމާ ގުޅޭ ދިރާސާތައް ކުރިކަމަށް އެމެރިކާގެ ކުރީގެ ޚާރިޖީ ވަޒީރު މައިކް ޕޮމްޕިއޯ ޔަގީންކަމާއެކު ވިދާޅުވެއެވެ. އޭނާއަށް މި މަޢްލޫމާތު ލިބިވޑައި ގަތީ އެމެރިކާގެ ޖާސޫސީ ފަރާތަކުން ކަން ނޫންކަން ވިދާޅެއް ނުވެއެވެ.
އެމެރިކާއަކީ ޗައިނާއަށް ކޮރޯނާ ވައިރަސްގެ ދިރާސާތައް ހެދުމަށް ފަންޑް ކުރި ގައުމެވެ.
ޕޮމްޕިއޯ މިތުހުމަތު ކުރައްވާފައި ވަނީ ކޮވިޑް19އުފެދިގެން އައި ގޮތާ ބެހޭ ގޮތުން އަލުން ދިރާސާ ކުރުމަށް ދުނިޔެއިން ގޮވާލަމުންދާ ދަނޑިވަޅެއްގައެވެ.
ފޮކްސް އެންޑް ފްރެންޑްސްއާ ވާހަކަ ދައްކަވަމުން، އޭނާ ވިދާޅުވީ ކަށަވަރުކޮށް ދެންނެވޭނެ ވާހަކައަކީ، ވޫހާން އިންސްޓިއުޓުން އަސްކަރީ ދިރާސާތަކުގައި ހަރަކާތްތެރިވަމުން ދިޔަ ކަމަށެވެ.
ދުނިޔޭގެ އެތައް ބަޔަކު ގަބޫލުކުރާ ގޮތުގައި ލިބެން ހުރި ހެކިތަކާއެކު، ފެންނަނީ، ކޮރޯނާ ވައިރަސްއަކީ ލެބަކުން ބޭރުވި ޖަރާސީމެއް ކަމަށެވެ.
ޕޮމްޕިއޯގެ ތުހުމަތުތައް ތެދުކަމެއްކަމުގައި ވަނީ ނަމަ، އޭނާ ވިދާޅުވަނީ، ވޫހާން ލެބްގައި ބައެލޮޖިކަލް ހަނގުރާމައަށް ބޭނުންވާ ޖަރާސީމް އުފެއްދުން ނުވަތަ ތަޖުރިބާ ކުރުމުގެ މަސައްކަތް ހިނގަމުން ދިޔަ ކަމަށެވެ.
މިހާރު ލިބެން ހުރި މަޢްލޫމާތުން އެނގޭ ގޮތުގައި ވޫހާން ލެބޯޓްރީގެ އިތުރުން ވޯހާބްގެ ޑިޒީސް ކޮންޓްރޯލް ސެންޓަރގައިވެސް އެތައް ސަތޭކަ ވާލެއް ގެންގުޅެ، ދިރާސާ ކުރެވެމުން ދިޔައެވެ. އަދި ޑިޒީލް ކޮންޓްރޯލް ސެންޓަރ އަކީ ވޫހާން މާރުކޭޓާއި އެމާރުކޭޓާ ކައިރީގައި އެންމެ ބާރަށް ބަލި ފެތުރުނު ހަސްފަތާލާ ކައިރީހގައި ހުރި ސެންޓަރެއް ކަމަށެވެ.
ޗައިނާގެ ވޫހާނުން ފެތުރިގެން އައިސްފައިވާ މި ވައިރަސް ވަނީ ދެ އަހަރުވަންދެން ދުނިޔޭގެ ފެނަވރުގެ ވަބާއަކަށްވެފައެވެ.
