ޓައިވާނަށް ކޮވިޑް19ގައި ފަރުވާ ދިނުމަށް ބޭނުންވާ ވެކްސިން ނުލިބެނީ ސީނުކަރައިން އެކަމަށް ހުރަސްއަޅާތީ ކަމަށް ޓައިވާނުން ބުނެއެވެ. ޓައިވާންގެ ރައީސް ވިދާޅުވީ ޖަރުމަންވިލާތުގެ ވެކްސިން އުފައްދާ ބައޯއެންޓެކްއާއެކު، ޓައިވާނުން އެއްބަސްވުމެއްގައި ސޮއިކުރުމަށް މަސައްކަތް ކުރަމުން ދަނިކޮށް ސީނުކަރައިން އިން ވަނީ އެކަމަށް ހުރަސް އަޅާފައެވެ.
ޓައިވާނުން ވަނީ މީގެ ކުރިން މައްސަލައަކާ ނުލައި އިނގިރޭސިވިލާތުން އެސްޓްރާޒެނެކާއާއި އެމެރިކާއިން މޮޑާނާގެ ވެކްސިންއަށް އޯޑަރުދީ ލިބިގެންފައެވެ.
ސައުތު ޗައިނާ މޯނިނގް ޕޯސްޓުން ބުނާ ގޮތުގައި މިއީ ސީނުކަރައިން ވެކްސިންއަށް ހުރަސްއެޅިކަމަށް ޓައިވާނުން ތުހުމަތު ކުރި ފުރަތަމަ ފަހަރެވެ.
24 މިލިއަން މީހުން ދިރިއުޅޭ ޓައިވާނަކީ ޗައިނާއިން ބަލާ ގޮތުގައި އެގައުމުގެ އަވަށެކެވެ. ޓައިވާނަކީ ބާޣީ ދައުލަތެއްކަމަށް ޗައިނާއިން ދެކެއެވެ. ހަތްދިހަ އަހަރުވަންދެން ޓައިވާނުން ވެރިކަން ކުރަމުންދަނީ އަމިއްލައަށެވެ.
ބައޯއެންޓެކްއިން ޓައިވާނަށް މި ވެކްސިން ސީދާ ނުކިއްކޭ ސަބަބެއްކަމަށް ސައުތު ޗައިނާ މޯނިންގ ޕޯސްޓުން ވަނީ، ޝެންހާއީގެ ކުންފުންޏަކުން ވަނީ ޓައިވާނާއި ޗައިނާއާއި މެކާއޯއަދި ހޮންކޮންގ ގައި ބައޯއެންޓެކްގެ ވެކްސިން ވިއްކުގެ ހައްގު ގަނެފައެވެ.
ޗައިނާ ފޮރިން މިނިސްޓްރީގެ ތަރުޖަމާން ވިދާޅުވީ ޓައިވާނުން ޗައިނާ އިން ވެކްސިން ހޯދުމަށް އެއްވެސް ހުރަހެއް ނެތް ކަމަށެވެ. އަދި ޓައިވާނުން އެދިއްޖެނަމަ އެކަމެއް ކޮށްދޭން ބެއިޖިންގ އިން ތައްޔާރަށް އޮތް ކަމުގައި އޭނާ ވިދާޅުވިއެވެ.
